អាម៉ាប់ទើបបានចៅប្រុសម្នាក់ទៀត
- 2015-05-05 16:07:26
- ចំនួនមតិ 0 | ចំនួនចែករំលែក 0
អាម៉ាប់ទើបបានចៅប្រុសម្នាក់ទៀត
ចន្លោះមិនឃើញ
ថ្មីៗនេះ តារាសម្ដែងប្ដីប្រពន្ធ Timmy Hung និង Janet Chow បានសម្រាលកូនប្រុសទីពីរម្នាក់ទៀតហើយដែលមានឈ្មោះថា JT មានទម្ងន់៣,២គីឡួក្រាម។
ប៉ុន្មានម៉ោងក្រោយមកបន្ទាប់ពីសម្រាលនៅថ្ងៃដដែលនោះ Timmy ដែលត្រូវជាឪពុកបានបង្ហោះរូបកូនរបស់គេដែលទើបនឹងកើតនៅលើគេហទំព័រ Weibo និងបានសរសេរថា៖ "សួស្ដីអ្នកទាំងអស់គ្នា! ខ្ញុំគឺ JT។ ខ្ញុំបានកើតនៅថ្ងៃនេះហើយ។ អ្នកម៉ាក់ពិតជាអស់កម្លាំងណាស់ថ្ងៃនេះ ដូច្នេះគួរតែឲ្យពេលគាត់សម្រាកខ្លះ កុំរំខានគាត់នៅពេលឥឡូវ។ ខ្ញុំពិតចង់ឃើញមុខបងប្រុសខ្ញុំណាស់។ អរគុណសម្រាប់ការខ្វល់ខ្វាយរបស់អ្នកទាំងអស់គ្នា។ ស្រលាញ់អ្នកទាំងអស់គ្នា!”។
Timmy Hung កូនប្រុសរបស់អាម៉ាប់ស្វាគមន៍កូនប្រុសទីពីរ
គូស្នេហ៍ទាំងពីរខាងលើ បង្កើតបានកូនទីមួយនៅឆ្នាំ២០១៣ ដែលមានមុខមាត់ដូចលោកតារបស់គេគឺតារាសម្ដែង Sammo Hung ដែលប្រជាជនកម្ពុជាស្គាល់រហស្សនាមថា អាម៉ាប់។ ចំណែកឯកូនទីពីរក៏មិនខុសគ្នាដែលគេមានលក្ខណៈដូចទៅនឹងជីតារបស់គេដដែល។
Sammo Hung បានសម្ដែងក្តីរីករាយថា៖ "គេដូចខ្ញុំណាស់។ ចៅខ្ញុំមានទម្ងន់ ៧ ផោន និង ១១ អោន (ប្រហែល ៣,២ គីឡូក្រាម)"។
Timmy Hung និងJanet Chow បានរៀបការជាមួយគ្នានៅថ្ងៃទី២១ ខែមិនា ឆ្នាំ២០១២ បន្ទាប់ពីពួកបានទាក់ទងគ្នាអស់រយៈពេលបួនឆ្នាំ៕
អាម៉ាប់ពេលឈ្នះពានពីកម្មវិធីពានរង្វាន់ភាពយន្តអាស៊ី
ប្រែសម្រួល៖ ហេង សុធារិទ្ធិ ប្រភព៖ asianpopnews, yahoo