បញ្ហា ៩ យ៉ាងអ្នកប្រើប្រាស់ត្អូញត្អែរពី Apple Watch
- 2015-05-07 17:30:19
- ចំនួនមតិ 0 | ចំនួនចែករំលែក 0
បញ្ហា ៩ យ៉ាងអ្នកប្រើប្រាស់ត្អូញត្អែរពី Apple Watch
ចន្លោះមិនឃើញ
បន្ទាប់ពីបានដាក់លក់នៅលើទីផ្សារជាផ្លូវការប៉ុន្មានសប្ដាហ៍នេះ Apple Watch គឺទទួលបានការគាំទ្រយ៉ាងច្រើនពីសំណាក់អ្នកប្រើប្រាស់។ ប៉ុន្តែក៏នៅមានអ្នកប្រើប្រាស់ និង អ្នកវាយតម្លៃមួយចំនួនបានត្អូញត្អែរពីបញ្ហាមួយចំនួននៅពេលប្រើប្រាស់នាឡិការឆ្លាតវៃរបស់ក្រុមហ៊ុន Apple នេះ។
១. មុខងារតាមដានចង្វាក់បេះដូងមិនដំណើរការគ្រប់ពេលលើដៃមានស្នាមសាក់
អ្នកប្រើប្រាស់ Apple Watch មួយចំនួនបានរអ៊ូថាមុខងារតាមដានចង្វាក់បេះដូងនៅលើ Apple Watch គឺមិនដំណើរការនៅលើដៃដែលមានស្នាមសាក់នោះទេ។ ស្របទៅតាមរបាយការណ៍នេះដែរក្រុមហ៊ុន Apple បញ្ជាក់នៅលើគេហទំព័ររបស់ Apple Watch ថាស្នាមសាក់អាចរាំងស្ទះដល់ Sensor របស់Apple Watch ដូច្នេះវាមិនដំណើរការនោះទេ។
២. មុខងារ Handoff ដំណើរការមិនសូវស្រួល
មានអ្នកប្រើប្រាស់មួយចំនួនបាននិយាយថាមុខងារ Handoff គឺមិនដំណើរការលើ Apple Watch នោះទេនៅពេលដែលពួកគេចង់ចូលប្រើប្រាស់ទិន្នន័យក្នុង iCloud ពេលប្ដូរពី iPhone ឬ iPad។ នោះបើតាមទំព័រពិភក្សាររបស់ Apple។
៣. ពិបាកសាកថ្ម
នៅចុងខែមេសាមានអ្នកប្រើប្រាស់មួយចំនួនបានរាយការណ៍តាមរយៈ Twitter និង Support Communities របស់ Apple ថាការសាកថ្មរបស់នាឡិកា Apple គឺដំណើរការមិនត្រឹមត្រូវនោះទេ។ នោះបើតាមព័ត៌មាននៅលើគេហទំព័រ 9to5Mac។ ពួកគេបាននិយាយថាការភ្ជាប់ឆ្នាំងសាកគឺត្រឹមត្រូវល្អប៉ុន្តែមិនឃើញមានដំណើរការសាកថ្មនោះទេ។
៤ អ្នកប្រើប្រាស់ផ្សេងទៀតនិយាយថា Apple Watch ដាក់ខ្សែមិនជាប់ល្អ
មានអ្នកប្រើប្រាស់មួយចំនួនបាននិយាយថា Apple Watch គឺពិបាកក្នុងការដាក់ខ្សែនៅពេលដែលពួកគេចង់ប្ដូរខ្សែម្ដងៗដោយដាក់វាមិនជាប់ល្អ។ នោះបើយោងតាមគេហទំព័រ MacRumors។ ប្រិយមិត្តរបស់ MacRumors ម្នាក់បានសរសេរថាបញ្ហានោះកើតមានលើខ្សែរបស់ម៉ូដែល Apple Watch Sport ហើយមួយចំនួនក៏បាននិយាយដែរថាវាក៏កើតមានលើប្រភេទខ្សែ Milanese Loop ដែរ។
៥. ផ្ទៃ Interface របស់ Apple Watch រញ៉េរញ៉ៃពិបាកប្រើ
អ្នក Review ម្នាក់របស់គេហទំព័រ New York Time បាននិយាយថាកម្មវិធីនៅលើ Apple Watch គឺពិបាកប្រើប្រាស់និងមានភាពរញ៉េរញ៉ៃដោយពិបាកចាំរបៀបចុចថា តើត្រូវចុចត្រង់ណា និងផ្នែកអេក្រង់ខាងណា។
៦. ពន្លឺបើកអេក្រង់មិនដំណើរការ
ផ្ទៃពន្លឺអេក្រង់របស់ Apple Watch គឺបញ្ចេញពន្លឺឡើងនៅពេលអ្នកប្រើប្រាស់ចង់បើកតែប៉ុណ្ណោះ ដូច្នេះវាគឺជួយសន្សំថាមពលថ្ម។ ប៉ុន្តែថ្មីៗនេះមានអ្នក Review មួយចំនួនបាននិយាយថាពន្លឺនៅលើអេក្រង់គឺមិនដំណើរការ បើទោះបីជាពួកគេបានដំណើរការវាក៏ដោយ។ អ្នក Review របស់គេហទំព័រ Bloomberg លោក Joshua Topolsky បាននិយាយថាជួនកាលគាត់បានក្រវីដៃចុះឡើងជាច្រើនដងដើម្បីឲ្យនាឡិកាបញ្ចេញពន្លឺឡើង។
៧. អ្នក Review ម្នាក់បាននិយាយថា Apple Watch មានដំណើរការយឺត
អ្នក Review ម្នាក់របស់គេហទំព័រ The Verge ឈ្មោះ Nilay Patel បានសរសេរថា Apple Watch គឺមានដំណើរការយឺត។ វាមានដំណើរការរអាក់រអួលពេលបើក Notification និងដំណើរការចូលទៅកាន់ទីតាំងទិន្នន័យពី iPhone ជាដើម។
៨. Third-Party app ដែលបានដំឡើងនៅលើ Apple Watch ដំណើរការមិនស្រួល
អ្នក Review របស់គេហទំព័រ CNET បានសរសេរថា third-party app ដែលបានដំឡើងនៅលើ Apple Watch គឺមានដំណើរការយឺត និងកម្មវិធីមួយចំនួនមិនដំណើរការតែម្ដង។ ចំណែកអ្នក Review របស់គេហទំព័រ Business Insider ក៏បាននិយាយដែរថាមានកម្មវិធីចំនួន ៣៥០០ សម្រាប់ដោនឡូដលើ Apple Watch ប៉ុន្តែកម្មវិធីភាគច្រើនគឺដំណើរការមិនល្អហើយខ្លះទៀតគឺមិនដំណើរការតែម្ដង។ ប៉ុន្តែបច្ចុប្បន្ននេះក្រុមអ្នកផលិតកម្មវិធីរកដំណោះស្រាយលើបញ្ហានេះ។
៩. អ្នកប្រើប្រាស់ Apple Watch មួយចំនួនបាននិយាយថាពួកមានស្នាមកន្ទួលរមាស់បន្ទាប់ពីពាក់វា
យោងតាមគេហទំព័ររបស់អ៊ីតាលីមួយឈ្មោះថា iSpazio បានឲ្យដឹងថាមានអ្នកប្រាស់មួយចំនួនបានត្អូញត្អែរចំពោះស្នាមកន្ទួលរមាស់នៅលើដៃរបស់ពួកគេបន្ទាប់ពីបានពាក់នាឡិការបស់ក្រុមហ៊ុន Apple៕
អានបន្ត៖ Apple Watch ត្រូវរាយការណ៍ថា ធ្វើឲ្យកន្ទួលខូចស្បែកអ្នកខ្លះក្រោយពាក់
អានបន្ត៖ Apple ប្រកាសថានាឡិកា នឹងមិនដំណើរការលើដៃមានស្នាមសាក់
ប្រែសម្រួល៖ សំនៀង ប្រភព៖ Businessinsider