ដឹងនរណាខ្លះធ្លាប់សម្ដែងជាតួ James Bond ឬអត់?

2015-05-23 13:20:48
ចំនួនមតិ 0 | ចំនួនចែករំលែក 0

ចន្លោះមិនឃើញ

James Bond ជាចារបុរសមួយរូបដ៏មានជំនាញចម្រុះ និងស្រីស្អាតរោមជុំជិតនៅក្នុងរឿងបែបស៊ើបអង្កេតបាញ់ប្រហារយ៉ាងសាហាវដែលមានទស្សនិកជនជាច្រើនស្គាល់ថា ភ្នាក់ងារ 007។ រឿងដ៏ពេញនិយមនេះត្រូវបានយកមកថតជាច្រើនវគ្គដោយមានតួសម្ដែងជាតួ James Bond ជាតារាល្បីជាច្រើនរូប។ ចុះដឹងថាអ្នកទាំងនោះជានរណាខ្លះទេ?

ខាងក្រោម Sabay នឹងបង្ហាញឈ្មោះចំណងជើងរឿង និងឆ្នាំដែលពួកគេសម្ដែង។

១ លោក Sean Connery

ជាជនជាតិស្កុតឡែននិងជាតួដំបូងគេបង្អស់ដែលបានសម្ដែងជាតួ James Bond។ គាត់បានលេចមុខក្នុងរឿងនេះរហូតដល់ប្រាំមួយវគ្គដូចជា៖ DR. NO (១៩៦២), From Russia with Love (១៩៦៣), Goldfinger (១៩៦៤), Thunderball (១៩៦៥),You Olny Live Twice (១៩៦៧) និងDiamonds Are Forever (១៩៧១)។

២ លោក George Lazenby

គាត់មានសញ្ជាតិអូស្ត្រាលីបានចូលរួមសម្ដែងបានតែមួយវគ្គគត់គឺ On Her Majesty's Secret Service (១៩៦៩)។

៣ លោក Roger Moore

ជាតារាសម្ដែងនៅក្នុងប្រទេសអង់គ្លេស និង ជាមនុស្សម្នាក់ក្នុងចំណោមតួ James Bond ដទៃទៀតដែលបានថតរឿងនេះច្រើនជាងគេពោលគឺប្រាំពីរវគ្គដូចជា Live and Let Die (១៩៧៣), The Man with the Golden Gun (១៩៧៤), The Spy Who Loved Me (១៩៧៧), Moonraker (១៩៧៩), For Your Eyes Only (១៩៨១), Octopussy(១៩៨៣) និង A View to a Kill (១៩៨៥)។

៤ លោក Timothy Dalton

មានវ័យ៧១ឆ្នាំដើមកំណើតអង់គ្លេសបានបង្ហាញខ្លួនក្នុងរឿងនេះបានពីរវគ្គគឺThe Living Daylights (១៩៨៧) និង Licence to Kill (១៩៨៩)។

៥ លោក Pierce Brosnan

ជាតារាសម្ដែងដែលរបស់សាធារណរដ្ឋអៀរឡង់មានវត្តមានជាតួ James Bond បានចំនួនបួនរឿងរួមមានរឿង Goldeneye (១៩៩៥), Tomorrow Never Dies (១៩៩៧), The World is Not Enough (១៩៩៩) និង Die Another Day (២០០២)។

៦ Daniel Craig

ប្រហែលជាទស្សនិកជនបានស្គាល់គាត់ច្រើនដោយសារបុរសជនជាតិអង់គ្លេសម្នាក់នេះជាតួចុងក្រោយគេបង្អស់ដែលក្នុងរឿង007។ គាត់បានចូលរួមសម្ដែងបានបួនវគ្គដូចលោក Pierce Brosnan ដែររួមមាន Casino Royale (២០០៦), A Quantum of Solace (២០០៨), Skyfall (២០១២) និង Spectre (២០១៥) ដែលគ្រោងនឹងចេញក្នុងពេលឆាប់ៗក្នុងខែវិច្ឆិកា ២០១៥នេះ។

ក្នុងចំណោមតួសម្ដែងទាំង ៦ រូបនេះ តើអ្នកចូលចិត្តតួអង្គណាជាងគេ?

អាន៖ តារាល្បី៦រូប ដែលមានស្នាដៃមនុស្សធម៌ធំធេង សម្រាប់ពិភពលោក

ប្រែសម្រួល៖ ហេង សុធារិទ្ធិ ប្រភព៖ wiki, 007