ភាពខុសគ្នា ថ្ងៃបញ្ចប់អាជីពនៅ EPL របស់ Gerrard, Lampard និង Drogba យប់មិញ
- 2015-05-25 18:18:17
- ចំនួនមតិ 0 | ចំនួនចែករំលែក 0
ភាពខុសគ្នា ថ្ងៃបញ្ចប់អាជីពនៅ EPL របស់ Gerrard, Lampard និង Drogba យប់មិញ
ចន្លោះមិនឃើញ
កីឡាករជើងចាស់ និងជាវីរបុរសនៅក្របខ័ណ្ឌ Premier League ៣រូបមាន Frank Lampard, Steven Gerrard និង Didier Drogba បានបញ្ចប់អាជីពជាកីឡាករនៅលីកកំពូលអង់គ្លេសហើយ បន្ទាប់ពីបង្ហាញខ្លួនក្នុងការប្រកួតចុងក្រោយព្រមគ្នា កាលពីយប់មិញ។
ប៉ុន្តែក្នុងការប្រកួត ដែលអ្នកគាំទ្រវិស័យបាល់ទាត់ជុំវិញពិភពលោក មានការក្ដុកក្ដួលខ្លាំង កាលពីយប់មិញ ឃើញថាកីឡាករឆ្នើមទាំង៣រូបនេះ មានរឿងរ៉ាវខុសគ្នាៗរៀងៗខ្លួន នាថ្ងៃចុងក្រោយ នៅក្របខ័ណ្ឌ Premier League។ តើខុសគ្នាដូចម្ដេចខ្លះ? សូមទស្សនាខាងក្រោម៖
១. Frank Lampard
ពាក់ស្លាកដៃប្រធានក្រុម Manchester City និងស៊ុតបញ្ចូលទីបាន១គ្រាប់នៅនាទី៣១ ប៉ុន្តែត្រូវដូរចេញនៅនាទី៧៧។ ចប់ការប្រកួត Man City ឈ្នះ Southampton ២-០។ Lampard នឹងត្រូវទៅចូលរួមជាមួយក្លិប New York City FC របស់អាមេរិក នារដូវកាលថ្មី។
២. Didier Drogba
ពាក់ស្លាកដៃប្រធានក្រុម Chelsea ប៉ុន្តែត្រូវដូរចេញនាទី៣០ និងត្រូវបានមិត្តរួមក្រុមលើកសែងយ៉ាងរីករាយ។ ចប់ការប្រកួតតោខៀវ ឈ្នះ Sunderland ៣-១ និងលើកពានលីកកំពូលរបស់អង់គ្លេស Premier League។ Drogba បានប្រកាសហើយថា នឹងចាកចេញពី Chelsea ប៉ុន្តែមិនទាន់ចូលនិវត្តន៍ទេ ពោលគឺអាចនឹងលេង១រដូវកាលទៀត តែក្រុមណាមួយនោះ មិនទាន់ដឹងនៅឡើយទេ។
៣. Steven Gerrard
ពាក់ស្លាកដៃប្រធានក្រុម Liverpool ស៊ុតបញ្ចូលទីបាន១គ្រាប់។ ប៉ុន្តែចប់ការប្រកួតហង្សក្រហម ចាញ់យ៉ាងអាម៉ាស់មិនធ្លាប់មានរយៈពេល៥២ឆ្នាំ ពោលគឺចាញ់ Stoke ៦-១។ Gerrard នឹងត្រូវទៅចូលរួមជាមួយក្លិប LA Galaxy របស់អាមេរិក នារដូវកាលថ្មី៕
ចុះប្រិយមិត្តយល់ថា វីរបុរសជើងចាស់៣រូបខាងលើនេះ មួយណាល្អជាង?
-ចុចអាន៖ តោខៀវបន្តជ័យជម្នះក្នុងដី មុនលើកពាន Premier League យប់មិញ
ប្រែសម្រួល៖ វិន ជីវ័ន្ត ប្រភព៖ mirror