Sir Alex៖ Chelsea នៅតែជាក្រុមជោគជ័យបំផុត ២ទៅ៣ឆ្នាំទៀត
- 2015-05-28 16:52:16
- ចំនួនមតិ 0 | ចំនួនចែករំលែក 0
Sir Alex៖ Chelsea នៅតែជាក្រុមជោគជ័យបំផុត ២ទៅ៣ឆ្នាំទៀត
ចន្លោះមិនឃើញ
អតីតអ្នកចាត់ការឆ្នើមក្រុម Manchester United បានលើកឡើងថា Chelsea នៅតែជាក្រុមជោគជ័យបំផុតមួយ ២ទៅ៣ឆ្នាំខាងមុខទៀត និងសរសើរដល់អ្នកចាត់ការក្រុមតោខៀវ លោក Jose Mourinho គឺជាអ្នកឈ្នះ។
Mourinho បានឈ្នះពានរង្វាន់អ្នកចាត់ការល្អបំផុតប្រចាំរដូវកាល Barclays Manager of the Season ប៉ុន្តែអ្នកចាត់ការសញ្ជាតិព័រទុយហ្គាល់ មិនបានទៅទទួលរង្វាន់របស់ខ្លួនផ្ទាល់ទេ ព្រោះត្រូវចូលរួមពិធីប្រកាសពានរង្វាន់ Chelsea's Player of the Year ក្នុងពេលតែមួយ កាលពីយប់ថ្ងៃអង្គារ។
ទោះបីជា អតីតអ្នកចាត់ការក្រុម Real Madrid អវត្តមាន ក៏លោក Ferguson នៅតែសរសើរដល់ Mourinho ថាគឺជាអ្នកឈ្នះ និងនិយាយពីសមិទ្ធផលរបស់ក្រុម Chelsea នៅរដូវកាលនេះ ក្នុងឱកាសដែលលោកឡើងធ្វើបទបង្ហាញ។
Sir Alex បាននិយាយថា៖ "គាត់ (Mourinho) បុរសដ៏ជោគជ័យម្នាក់ និងជាអ្នកឈ្នះ។ គាត់ស័ក្ដិសមទទួលបានពានរង្វាន់នេះ។ ខ្ញុំគិតថា គាត់មានក្រុមដ៏ល្អបំផុត។ Jose គាត់យល់ពីក្រុមច្បាស់ ដូច្នេះភាពជោគជ័យនៅតែមាន ២ទៅ៣ឆ្នាំទៀត សម្រាប់ Chelsea”។
Mourinho បានត្រឡប់ទៅដឹកនាំ Chelsea ជាលើកទី២ កាលពីដើមរដូវកាល និងជួយឲ្យតោខៀវ ឈ្នះពានបាន២រដូវកាលនេះ ពោលគឺលើកពាន League Cup និងលើកពាន លីកកំពូលលើកទី៥ ក្នុងប្រវត្តិសាស្ត្រក្លិប៕
ចុះប្រិយមិត្តយល់ស្រប តាមការលើកឡើងរបស់ Sir Alex ខាងលើនេះដែរ ឬទេ?
-ចុចអាន៖ Mourinho និង Terry សន្យាឈ្នះពានទៀត ពេល Chelsea ដង្ហែពានម្សិលមិញ
ប្រែសម្រួល៖ វិន ជីវ័ន្ត ប្រភព៖ dailymail