វៀតណាមចេញទូរសព្ទដំបូងរបស់ខ្លួនប្រជែង iPhone និង Samsung
- 2015-05-28 17:16:55
- ចំនួនមតិ 0 | ចំនួនចែករំលែក 0
វៀតណាមចេញទូរសព្ទដំបូងរបស់ខ្លួនប្រជែង iPhone និង Samsung
ចន្លោះមិនឃើញ
ក្រុមហ៊ុនបច្ចេកវិទ្យាដ៏ធំមួយរបស់ប្រទេសវៀតណាមឈ្មោះថា Bkav បានចេញទូរសព្ទ Smartphone ទំនើបបំផុតរបស់ខ្លួន និងដំបូងបង្អស់នៅក្នុងព្រឹត្តិការណ៍ធំមួយកាលពីថ្ងៃអង្គារកន្លងទៅ។
លោក Quang បាននិយាយថា Bkav ជាក្រុមហ៊ុនដំបូងក្នុងតំបន់អាស៊ីអាគ្នេយ៍ធ្វើកិច្ចសន្យាជាមួយក្រុមហ៊ុន Qualcomm ដើម្បីផ្គត់ផ្គង់ CPU ជំនាន់ក្រោយបំផុត។ Bphone មានថាមពលថ្ម 3000mAh ភ្ជាប់ដោយបច្ចេកវិទ្យា Quick Charge 2.0 អាចសាកបានលឿនបំផុត។ កាមេរ៉ាមុខមានទំហំ 5MP និងកាមេរ៉ាក្រោយ 13MP ជាមួយ UbiFocus អាចចាប់យករូបភាពដែលមានចលនាលឿនដូចទៅនឹង Samsung Galaxy S6 ដែរ។
Bkav ប្រើប្រព័ន្ធប្រតិបត្តិការរបស់ខ្លួនគឺ BOS សម្រាប់ Bphone ដោយផ្អែកទៅលើ Android Lollipop។ បន្ថែមទៅទៀតនោះ Bphone បានភ្ជាប់កម្មវិធីកម្ចាត់មេរោគស្រាប់របស់ក្រុមហ៊ុនផ្ទាល់ ដែលធ្វើឲ្យ Smartphone នេះមានដំណើរការលឿនបំផុត ហើយក៏មានកន្លែងផ្ទុកទិន្នន័យលើ Cloud ឈ្មោះថា Bdrive ដូចទៅនឹង OneDrive និង Google Drive ដែរ។ មិនត្រឹមតែប៉ុណ្ណោះ Bphone ប្រើបច្ចេកវិទ្យា Transfer Jet លើ NFC ជាបច្ចេកវិទ្យាដំបូងបំផុតអាចផ្ទេរទិន្នន័យបានល្បឿនដល់ទៅ 200Mbps។
លោក Quang បានអះអាងថា ការឌីស្សាញរបស់ Bphone គឺអាចប្រៀបធៀបបានជាមួយនឹង Smartphone កំពូលរបស់ Apple និង Samsung បាន។
រីឯតម្លៃរបស់វាវិញគឺ 16GB តម្លៃ៤៥៥ដុល្លារ, 64GB មានតម្លៃ ៥៩៥ដុល្លារ, និង 128GB ស្រោបមាស តម្លៃ ៩២៧ដុល្លារ ហើយនឹងចាប់ផ្ដើមដាក់លក់នៅលើគេហទំព័រ vala.vn ចាប់ពីថ្ងៃទី០២ មិថុនានេះតទៅ។ អតិថិជនក៏អាចសងត្រលប់មកវិញបានក្នុងរយៈពេល១៤ថ្ងៃប្រសិនបើពួកគេមិនពេញចិត្ត។
អានបន្ត៖ Sony បង្ហាញ Xperia Z3+ ស្ដើង ស្រាល និងលឿន
ប្រែសម្រួល៖ សំនៀង
ប្រភព៖ techinasia, tuoitrenews