ពិធីការិនីកម្មវិធីប្រគំតន្ត្រីដ៏ល្បីអ្នកនាង NG ក្លាយជាពិធីការិនីស្ថានីយទូរទស្សន៍ PNN
- 2015-05-28 18:24:34
- ចំនួនមតិ 0 | ចំនួនចែករំលែក 0
ពិធីការិនីកម្មវិធីប្រគំតន្ត្រីដ៏ល្បីអ្នកនាង NG ក្លាយជាពិធីការិនីស្ថានីយទូរទស្សន៍ PNN
ចន្លោះមិនឃើញ
ពិធីការិនីកម្មវិធីប្រគំតន្ត្រីដ៏ល្បីឈ្មោះមួយរូប នៅក្នុងប្រទេសកម្ពុជា អ្នកនាង NG ដែលមានឈ្មោះពេញថា លី ចាន់ដាលីស បានចូលរួមជាមួយនឹង PNN ដែលជាស្ថានីយទូរទស្សន៍ថ្មី និង ទំនើបបំផុត នៅកម្ពុជា។ អ្នកនាង NG ដែលល្បីល្បាញដោយសាររូបសម្ផស្សដ៏ស្រស់សោភា និង ពោពេញដោយវោហារស័ព្ទ ដែលទស្សនិកជនធ្លាប់ឃើញ ជាពិធីការិនី នៃកម្មវិធីប្រគំតន្រ្តីក្នុងឱកាសពិសេសៗ របស់ស្ថានីយទូរទស្សន៍ក្នុងស្រុកមួយចំនួន បនក្លាយជាតារាថ្មីមួយរូបទៀត ដែលនឹងចេញមុខតាមកញ្ចក់ទូរទស្សន៍ PNN។
NG នឹងចាប់ដៃគូជាមួយពិធីករ ប៉ែន ចំរុង នៅក្នុងកម្មវិធីកំពូលតារាចម្រៀង របស់ស្ថានីយទូរទស្សន៍ PNN ដែលនឹងចាក់ផ្សាយតាមកញ្ចក់ទូរទស្សន៍ នៅក្នុងខែមិថុនា ខាងមុខ។ ដូចគ្នានឹងលោក ប៉ែន ចំរុង ដែរ អ្នកនាង NG មានអ្នកគាំទ្រជាច្រើននៅក្នុងចំណោមអ្នកប្រើប្រាស់បណ្ដាញសង្គម នៅកម្ពុជា។
លោក នូ ចំណាប់ ហៅ Jimmy ផលិតករកម្មវិធីកម្សាន្តរបស់ PNN មានប្រសាសន៍ថា «យើងសប្បាយរីករាយដែលបានអ្នកនាង NG មកចូលរួមជាមួយស្ថានីយយើង ជាពិធីការិនីសម្រាប់កម្មវិធីកម្សាន្ត។ អ្នកនាង NG មានអ្នកគាំទ្រច្រើន ហើយយើងរំពឹងថា ទេពកោសល្យ និង សម្ផស្សរបស់អ្នកនាង នឹងទាក់ទាញទស្សនិកជនកាន់តែច្រើនថែមទៀត»។
អ្នកនាង NG គ្រោងនឹងបង្ហាញមុខរួមគ្នាជាមួយលោក ប៉ែន ចំរុង នៅក្នុងកម្មវិធីកំពូលតារាចម្រៀង របស់ PNN។
កម្មវិធីកំពូលតារាចម្រៀង ឬ SuperStar ជាកម្មវិធីបើកឱកាសដល់ សិល្បករ សិល្បការិនី អាយុ ១៨ឆ្នាំ ដល់ ៣០ឆ្នាំ មានសមត្ថភាពច្រៀង រាំ និងសម្ដែង នៅលើកញ្ចក់ទូរទស្សន៍ និងនៅក្នុងកម្មវិធីផ្សាយផ្ទាល់។
PNN ផ្ដល់រង្វាន់ជាថវិការចំនួន ១២០ លានរៀល ដល់ជយលាភីនៃកម្មវិធីកំពូលតារាចម្រៀង។ ព័ត៌មានបន្ថែម សូមមើលទំព័រហ្វេសប៊ុក www.facebook.com/PNNSuperStar ឬ www.facebook.com/PNNTVCambodia ។
អត្ថបទ៖ ពាណិជ្ជកម្ម