កីឡាករវាយកូនឃ្លីលើតុ២នាក់ ត្រៀមប្រកួតបន្តិចទៀតនេះ
- 2015-06-04 16:44:40
- ចំនួនមតិ 0 | ចំនួនចែករំលែក 0
កីឡាករវាយកូនឃ្លីលើតុ២នាក់ ត្រៀមប្រកួតបន្តិចទៀតនេះ
ចន្លោះមិនឃើញ
កីឡាករវាយកូនឃ្លីលើតុរបស់កម្ពុជា គឺ លីម សុខឡុង និង ណៃ សារ៉ាវី នឹងត្រូវប្រកួតបន្តទៀតនាថ្ងៃនេះ លើប្រភេទវិញ្ញាសាវាយទោល វគ្គក្នុងពូល។
សារ៉ាវី ដែលចាញ់២ប្រកួតដំបូងក្នុងពូល B នឹងត្រូវជួបកីឡាករឡាវ KONGPHET Phinith នាការប្រកួតលើកទី៣ក្នុងពូល នាម៉ោង ១០:២០នាទីខាងមុខនេះ។ ២ប្រកួតកន្លងមកលើវិញ្ញាសាវាយទោលពូល B សារ៉ាវី បានចាញ់កីឡាករម៉ាឡេស៊ី និងសិង្ហបុរី ៣-០ ដូចគ្នា។ តើកីឡាកររូបនេះអាចរកជ័យជម្នះជាលើកដំបូងបានដែរឬទេសម្រាប់ការប្រកួតនេះ?
កីឡាករ សារ៉ាវី នាការប្រកួតកន្លងមក
ចំណែកឯ សុខឡុង វិញ នឹងត្រូវជួបកីឡាករឥណ្ឌូណេស៊ី MAULANA Gilang នាម៉ោង១១:០០ ក្នុងវិញ្ញាសាវាយទោល ពូល D។ កីឡាកររូបនេះ បានប្រកួត៣ដងរួចមកហើយក្នុងពូល D ដោយឈ្នះ១ (ឈ្នះមីយ៉ាន់ម៉ា ៣-១) និងចាញ់២ (ចាញ់សិង្ហបុរី និងចាញ់ថៃ ៣-០)។
កីឡាករ សុខឡុង
អត្ថបទ៖ សុខ សុវត្ថិ