ព្រឹត្តិការណ៍ប្រកួតថតរូបដ៏បំផុតប្រចាំកម្ពុជារដូវកាលទី៤

2014-09-16 17:33:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ប្រកួតថតរូបដ៏ធំបំផុតនៅកម្ពុជារដូវកាលទី៤ Canon Photomarathon រៀបចំដោយតំណាងចែកចាយផលិតផល Canon ប្រចាំកម្ពុជាគឺ i-Qlick នឹងធ្វើឡើងនៅថ្ងៃទី១៩តុលាខាងមុខឯមជ្ឈមណ្ឌលកោះពេជ្រ។

កម្មវិធីដែលបើកឲ្យគ្រប់ជាតិសាសន៍ចូលរួមនេះ បែងបែកចែកជា២ផ្នែកគឺ បើកសេរី (Open Category) និងសម្រាប់អ្នកអាយុក្រោម១៨ឆ្នាំ (Student Category)។ ផ្នែកនីមួយៗ ចែកជា៣ប្រធានបទដូចគ្នា ហើយបេក្ខជនមានពេល៣ម៉ោងដើម្បីផ្តិតយករូបភាពដាក់ប្រកួតតាមប្រធានបទនីមួយៗ។ ជយលាភីប្រធានបទទាំងអស់ចាប់ពីលេខ១ដល់លេខ៣ នឹងឈ្នះរង្វាន់ កាម៉េរ៉ា រួមទាំងរង្វាន់បន្ថែម ដូចជាដំណើរកម្សាន្តតម្លៃរាប់រយដុល្លារ ជាដើម។

អ្វីដែលពិសេសបំផុតទៀតនោះវាក៏ជាការចម្រាញ់យក ជយលាភីដ៏លេចធ្លោម្នាក់ចំណោម៩នាក់ផ្នែក Open Category ឲ្យឈ្នះដំណើរកម្សាន្តថតរូប Canon Photo Clinic រយៈពេល៩ថ្ងៃ៨យប់ នៅប្រទេសជប៉ុនដែលមានតម្លៃ ៥ពាន់ដុល្លារឯណោះ ជាមួយជយលាភីឆ្នើមៗដទៃទៀតនៃបណ្ដាប្រទេសទូទាំងអាស៊ី។

និយាយពីការផ្ដល់ពិន្ទុ រូបថតប្រកួតប្រជែង Canon Photomaraton ថ្ងៃទី១៩តុលាខាងមុខវិញ នឹងវាយតម្លៃដោយគណៈកម្មការជំនាញដែលមានសមាជិកដូចជា៖

-លោក Scotte Howes នាយកផ្នែកកែសម្រួលរូបភាពប្រចាំកាសែត ភ្នំពេញប៉ុស្តិ៍ -លោក តាំង ឈិនសុធី អ្នកថតរូបថតសារព័ត៌មានប្រចាំ AFP -អ្នកនាង វ៉ាលេនថាញវូ សាស្ត្រាចារ្យផ្នែកឌីសាញ និង ចេញម៉ូដ -ជេស៊ីកា លីម អ្នកសម្របសម្រួលប្រចាំ អង្គរហ្វូតូហ្វេសធីវ៉ល

លោកអ្នកអាចចាប់ចុះឈ្មោះប្រកួតថ្វីដៃថតរូបនេះឲ្យបានមុនថ្ងៃទី១៧តុលា២០១៤ តាមតំណភ្ជាប់ http://bit.ly/registerCPM14 ទាក់ទងតាមទូរសព្ទលេខ ០៩៦ ៨៧១ ៦៣៥៥។ លោកអ្នកក៏ចុះឈ្មោះផ្ទាល់នៅហាង i-Qlick អាសយដ្ឋានអគារ ១៤៦មហាវិថីព្រះសីហនុ។

ខាងក្រោមជារង្វាន់តាមប្រធានបទនីមួយៗ 