យក iPhone ឲ្យជាងបញ្ចូលកម្មវិធី គេលួចដូរ Password មិនដឹងខ្លួន ចុងក្រោយលង់ខ្លួនអស់រាប់រយដុល្លារ
- 2014-09-16 18:12:54
- ចំនួនមតិ 0 | ចំនួនចែករំលែក 0
យក iPhone ឲ្យជាងបញ្ចូលកម្មវិធី គេលួចដូរ Password មិនដឹងខ្លួន ចុងក្រោយលង់ខ្លួនអស់រាប់រយដុល្លារ
ចន្លោះមិនឃើញ
ថ្មីៗនេះអតិថិជនមួយរូបដែលប្រើ iPhone បានជួបបញ្ហា បន្ទាប់ពីឲ្យអ្នកដទៃបញ្ចូលកម្មវិធីឲ្យ ត្រូវគេលួចដូរ Password ដោយមិនដឹងខ្លួន ហើយចុងក្រោយមិនអាចប្រើប្រាស់បាន និងត្រូវខាតបង់លុយកាក់យ៉ាងក្រាស់ក្រែល។
លោក អ៊ូ បវរ អ្នកជំនាញដោះកូដទូរសព្ទមួយរូបនៅខេត្តសៀមរាបឲ្យដឹងថា កន្លងទៅលោកក៏ធ្លាប់ជួបអតិថិជនមានបញ្ហានេះដែរ និងរត់មកឲ្យលោកជួយ បន្ទាប់ពីពឹងពាក់អ្នកដទៃបញ្ចូលកម្មវិធីប្រើប្រាស់ឲ្យ ត្រូវគេលួចដូរ Password ដោយមិនដឹងខ្លួន។
"អ្នកខ្លះយល់ច្រឡំថាមានគេ Hack ចូលគណនី iCloud របស់ខ្លួនទើបបានជាប់ Password ដូចនេះ។ ប៉ុន្តែការពិតមិនមែនអីចឹងទេ គឺមកពីជាប់ Account អ្នកដទៃ។
លោកបញ្ជាក់ថា ដោយចង់ធ្វើបាបឬចង់ទាញយកប្រយោជន៍ អ្នកដែលជាម្ចាស់គណនី (Apple id) ដែលបានលួចដូរ Password បានប្រើកម្មវិធី Find My iPhone ដើម្បីបញ្ជា (Remote) ទូរសព្ទឲ្យជាប់។ បន្ទាប់មកទៀត ក៏ធ្វើបាប ឬអាចឈានទៅជំរិតទារប្រាក់ពីអ្នកប្រើប្រាស់ក៏មាន។
អ្នកជំនាញរូបនេះក្រើនរំលឹកថា អ្នកដែលប្រើប្រាស់ iPhone ទំនើបៗ មុនពេលពឹងពាក់អ្នកដទៃទាញយកហ្គេម និងកម្មវិធីនានា គួរស្វែងរកអ្នកដែលគួរឲ្យទុកចិត្ត ដើម្បីចៀសវាងបញ្ហាផ្សេងៗ ជាពិសេសរឿងអាក្រក់ដែលអាចកើតឡើងជាយថាហេតុ។
អានអត្ថបទ៖ iPhone 6/6Plus មកដល់ស្រុកខ្មែរនៅថ្ងៃ ២០ កញ្ញា
អានអត្ថបទ៖ ហ្គេមខ្មែរ សុក និង សៅមានលើ Windows Phone Store ហើយ
អត្ថបទ៖ ដារ៉ាឆានី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
