ឈិត សុវណ្ណបញ្ញា ពិតជាមានបងប្អូនភ្លោះ?
- 2015-06-15 21:51:09
- ចំនួនមតិ 0 | ចំនួនចែករំលែក 0
ឈិត សុវណ្ណបញ្ញា ពិតជាមានបងប្អូនភ្លោះ?
ចន្លោះមិនឃើញ
រយៈពេលថ្មីៗនេះនៅក្នុងបណ្ដាញសង្គមហ៊្វេសប៊ុកមានការភ្ញាក់ផ្អើលពីករណីតារាចម្រៀង ឈិត សុវណ្ណាបញ្ញា មានបងប្អូនភ្លោះ បន្ទាប់ពីគេបានឃើញតារាហង្សមាសរូបនេះ និងនារីម្នាក់មានមុខមាត់ដូចគ្នាបេះបិត។
ការភ្ញាក់ផ្អើលនេះ បន្ទាប់ពីគេបានឃើញរូបភាពប៉ុន្មានសន្លឹករបស់តារាស្រីរូបនេះ ថតរូបស្និទ្ធស្នាល និងអង្គុយញុំាអាហារនារីម្នាក់ដែលមានមុខមាត់ដូចនាង ត្រូវបានគេបង្ហោះលើ Facebook ព្រឹកមិញនេះ។ ក្រោយបានឃើញរូបភាពទាំងនោះ ប្រិយមិត្តជាច្រើនមានចម្ងល់ ហើយអ្នកខ្លះទៀត បានចោទជាសំណួរថា តើ ឈិត សុវណ្ណបញ្ញា និងនារីនោះជាបងប្អូនភ្លោះឬក៏យ៉ាងណា?
ជុំវិញរឿងខាងលើនេះ សាមីខ្លួន មិនទាន់អាចសុំការបកស្រាយបាននៅឡើយទេ ដោយទូរសព្ទរបស់នាងមិនអាចភ្ជាប់ទំនាក់ទំនងបាន។ យ៉ាងណាក៏ដោយ តាមប្រភពពីតារាចម្រៀងក្នុងផលិតកម្មរស្មីហង្សមាស ជាមួយគ្នា ពេជ្រ សោភា បានប្រាប់ក្រុមការងារ Sabayមុននេះថា អ្នកទាំងពីរនាក់ដែលបានថតជាមួយគ្នានៅក្នុងបណ្ដាញសង្គមនោះ គឺជាបងប្អូនភ្លោះនឹងគ្នាពិតមែន។
ពេជ្រ សោភា ថ្លែងថា “អូហ៍...បញ្ញា ពិតជាមានបងប្អូនភ្លោះមែនតើ ហើយគាត់ធ្លាប់ប្រាប់ខ្ញុំដែរថាពួកគាត់កើតមកខុសគ្នាប្រហែល ៥នាទីទៅ១០នាទីដែរអីហ្នឹងហើយអា បញ្ញា កើតមុនដែលខ្ញុំធ្លាប់បានលឺគេហៅថា "ស្រីតូចស្រីធំ""៕
ទោះយ៉ាងនេះក្ដី សោភា ប្រាប់ថា នាងមិនបានស្គាល់ឈ្មោះប្អូនស្រីភ្លោះជាមួយ សុវណ្ណបញ្ញានោះទេ ដោយស្គាល់តែឈ្មោះហៅក្រៅដូចខាងលើថា "ស្រីតូច ស្រីធំ" ប៉ុណ្ណោះ៕
តោះ...ឥឡូវមើលស្គាល់អត់ មួយណា ឈិត សុវណ្ណបញ្ញា?
រូបភាព៖ បណ្ដាញសង្គម
អត្ថបទ៖ ថា ម៉ាលីដា