U23 ថៃស៊ី U23 មីយ៉ាន់ម៉ា ៣-០ ការពារមេដាយមាសនៅស៊ីហ្គេម
- 2015-06-16 14:38:42
- ចំនួនមតិ 0 | ចំនួនចែករំលែក 0
U23 ថៃស៊ី U23 មីយ៉ាន់ម៉ា ៣-០ ការពារមេដាយមាសនៅស៊ីហ្គេម
ចន្លោះមិនឃើញ
ក្រុមជម្រើសជាតិយុវជនអាយុក្រោម ២៣ ឆ្នាំបានការពារតំណែងមេដាយមាសរបស់ខ្លួននៅស៊ីហ្គេមលើកទី ២៨ ដោយយកឈ្នះក្រុមយុវជនអាយុក្រោម ២៣ ឆ្នាំរបស់មីយ៉ាន់ម៉ាដោយលទ្ធផល ៣-០ នៅកីឡាដ្ឋានជាតិសិង្ហបុរី។
ការប្រកួតតាំងពីដើមតង់ទី ១ ថៃបានដាក់សម្ពាធទៅលើក្រុមមីយ៉ាន់ម៉ាជាខ្លាំង តែនៅមិនអាចទម្លុះសំណាញ់ទីមីយ៉ាន់ម៉ាបាន។ ចប់ការប្រកួតតង់ទី ១ ក្រុមទាំងពីរស្មើគ្នា ០-០។ ចូលដល់តង់ទីពីរបាន ៨ នាទី ខ្សែបម្រើការពារថៃគឺកីឡាករ Tanaboon Kesarat បានស៊ុតបញ្ចូលទីយ៉ាងស្អាត ក្រោយការទាត់បាល់ជ្រុងរបស់មិត្តរួមក្រុមត្រូវបានផ្ដាច់ចេញពីខ្សែការពារមីយ៉ាន់ម៉ាមិនបានល្អ។ ១០ នាទីក្រោយមក កីឡាករ Messi Jay របស់ថៃបានបញ្ជូនបាល់ដល់មិត្តរួមក្រុម Chananan Pombubpha ស៊ុតជើងឆ្វេងបញ្ចូលទីយ៉ាងងាយ។ នាទីទី ៧៨ កីឡាករ Pinyo Inpinit របស់ថៃស៊ុតគ្រាប់ចុងក្រោយនាំឲ្យថៃយកឈ្នះមីយ៉ាន់ម៉ាដោយលទ្ធផល ៣-០។
ក្រុមថៃបានបង្ហាញភាពខ្លាំងរបស់ខ្លួនដោយស៊ុតបញ្ចូលទីគូប្រកួតបាន ២៤ គ្រាប់សម្រាប់ព្រឹត្តិការណ៍តំបន់អាស៊ាននេះ និងឲ្យគូប្រកួតស៊ុតបញ្ចូលទីបានតែ ១ គ្រាប់គត់។
វីដេអូការប្រកួត៖
https://www.youtube.com/watch?v=pcYLZ_i9ThE
វីដេអូក្រុមថៃទទួលមេដាយមាស និងអបអរ៖
https://www.youtube.com/watch?v=eU652QhRZ6k
អាន៖ Messi Jay របស់ថៃចង់ទៅលេងនៅ Barcelona ជាមួយ Messi ពិតប្រាកដ
ប្រែសម្រួល៖ សីហា ប្រភព៖ channelnewsasia