“Hunger Games” ចេញ trailer វគ្គ៣ តែ១ថ្ងៃមានអ្នកចូលមើល៣លានដង

2014-09-16 18:22:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្ត "Hunger Games” វគ្គ៣ "The Hunger Games: Mockingjay – Part 1” បានចេញវីដេអូ trailer ផ្លូវការហើយកាលពីម្សិលមិញ ដោយបានបង្ហាញឈុតឆាកពិសេសៗគួរឲ្យចាប់អារម្មណ៍ជាច្រើន។ អ្វីដែលពិសេស គឺថា ទើបតែចេញបាន ១ថ្ងៃ វីដេអូ trailer នេះទទួលបានការចូលទស្សនាជាង ៣លានដង។

ក្នុងវគ្គថ្មីនេះ តារាសម្ដែងម្ចាស់ពានរង្វាន់ Oscar ឆ្នាំ២០១៣ Jennifer Lawrence នឹងត្រលប់មកកាន់តំណែងតួឯក Katniss Everdeen ដដែល។ វីដេអូ Trailer បានបង្ហាញថា Katniss នឹងក្លាយមេដឹកនាំក្រុម Mockingjay ដែលជាក្រុមប្រឆាំងក្រុមកំណាច Capitol ស្របពេលដែលគូស្នេហ៍របស់នាង គឺ Gale Hawthorne (សម្ដែងដោយ Liam Hemsworth) កំពុងហ្វឹកហាត់បាញ់ស្នាសម្រាប់ការប្រយុទ្ធប្រឆាំងនេះ។

ក្រៅពី Jennifer Lawrence និង Liam Hemsworth ភាពយន្ត"The Hunger Games: Mockingjay – Part 1” ដែលត្រៀមចេញបញ្ចាំងនៅថ្ងៃទី២១ ខែវិច្ឆិកា ខាងមុខ នឹងមានការវិលត្រលប់របស់តួក្នុងវគ្គមុនៗជាច្រើនទៀតដូចជា Woody Harrelson, Julianne Moore, Elizabeth Banks និងPhilip Seymour Hoffman។

ខ្សែភាពយន្ត "Hunger Games” នៅវគ្គមុនៗសុទ្ធតែទទួលបានការគាំទ្រយ៉ាងច្រើនលើសលប់ ដោយវគ្គ១ ដែលចេញនៅឆ្នាំ២០១២ អាចរកចំណូលបាន ៦៩១លានដុល្លារ ហើយវគ្គ២ ដែលចេញកាលពីឆ្នាំ២០១៣ អាចរកចំណូលបានដល់ទៅ ៨៦៤លានដុល្លារ។

ទស្សនា Trailer រឿង "The Hunger Games: Mockingjay – Part 1” តែម្ដង ថាតើគួរឲ្យចាប់អារម្មណ៍ ជាងវគ្គមុនៗឬយ៉ាងណា?

http://youtu.be/C_Tsj_wTJkQ

អាន៖ “កំណប់បះសក់” បញ្ចាំងផ្លូវការខែវិច្ឆិកា ឥឡូវមើល Trailer សិន!!!

ប្រែសម្រួល៖ វ៉ាន់ថន ប្រភព៖ usmagazine