វីដេអូបង្ហាញពីបាយដែលដាំចេញពីអង្ករក្លែងក្លាយ
- 2015-06-30 16:25:23
- ចំនួនមតិ 0 | ចំនួនចែករំលែក 0
វីដេអូបង្ហាញពីបាយដែលដាំចេញពីអង្ករក្លែងក្លាយ
ចន្លោះមិនឃើញ
កាលពីថ្ងៃចន្ទម្សិលមិញ ប្រជាជនហ្វីលីពីន បានបង្ហាញក្ដីកង្វល់យ៉ាងខ្លាំង បន្ទាប់ពីទិញប៉ះចំអង្ករក្លែងក្លាយ ខណៈអង្ករប្រភេទនេះកំពុងចរាចរណ៍នៅលើកោះ Mindanao។ នៅថ្ងៃអង្គារនេះ សារព័ត៌មាន ABS-CBN បានបង្ហោះវីដេអូមួយ បង្ហាញពីបាយដែលដាំចេញពីអង្ករក្លែងក្លាយ និងបញ្ជាក់ពីវិធីចំណាំផងដែរ។
តាមបទពិសោធន៍អ្នកដាំបាយប៉ះចំអង្ករក្លែងក្លាយ បានបង្ហាញនៅក្នុងវីដេអូថា អង្ករក្លែងក្លាយមិនចេះផ្អូមឡើយ ហើយវានឹងប្ដូរទៅជាស្ពោតដូចស្នោពេលត្រជាក់។ ពេលច្របាច់ខ្លាំង បាយដែលដាំពីអង្ករក្លែងក្លាយ នឹងចេញទឹកច្រើនខុសគ្នាពីអង្ករធម្មជាតិ។ លើសពីនេះទៅទៀត បាយដាំពីអង្ករក្លែងក្លាយ អាចដុតឆេះ និងមានក្លិនឈ្ងៀមដូចដុតដំឡូង។
ទោះយ៉ាងណា ពេលមិនទាន់ដាំជាបាយ អង្ករក្លែងក្លាយមានលក្ខណៈស្រដៀងគ្នាទៅនឹងអង្ករធម្មជាតិ។ បើតាមការបញ្ជាក់របស់សារព័ត៌មាន International Business Times បានឲ្យដឹងថា អង្ករក្លែងក្លាយ ផ្សំឡើងពី ដំឡូងបារាំង ដំឡូងជ្វា និងប្រភេទជ័រសំយោគមួយចំនួន៕
សូមទស្សនាវីដេអូ៖
ចុចអាន៖ អង្ករក្លែងក្លាយចូលដល់ប្រទេសហ្វីលីពីនហើយ
ចុចអាន៖ អង្ករក្លែងក្លាយធ្វើពីប្លាស្ទិកកំពុងរីករាលដាលនៅអាស៊ី
ចុចអាន៖ អាជ្ញាធរថៃបង្កើនការប្រុងប្រយ័ត្ន ក្រោយប្រទះឃើញអង្ករក្លែងក្លាយ
ដោយ៖ គង់ វិសាល ប្រភព៖ abs-cbnnews
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
