ក្លិបប៉ូលិសមានកីឡាករបរទេស ៣ នាក់សម្រាប់លីករដូវកាល ២០១៥
- 2015-06-30 18:21:20
- ចំនួនមតិ 0 | ចំនួនចែករំលែក 0
ក្លិបប៉ូលិសមានកីឡាករបរទេស ៣ នាក់សម្រាប់លីករដូវកាល ២០១៥
ចន្លោះមិនឃើញ
ក្លិបបាល់ទាត់អគ្គស្នងការដ្ឋាននគរបាលជាតិ ( ប៉ូលិស) បានសម្រេចនាំយកកីឡាករបរទេសដើម្បីត្រៀមខ្លួនសម្រាប់លីកបាល់ទាត់កម្ពុជារដូវកាលថ្មី២០១៥ នឹងចាប់ផ្ដើមនាថ្ងៃទី ១ ខែ កក្កដា ឆ្នាំ ២០១៥ ។
លោក សារ៉េត ស៊ីដន គ្រូជំនួយក្លិបបាល់ទាត់អគ្គស្នងការដ្ឋាននគរបាលជាតិប្រាប់ថា ក្លិបរបស់លោកបាននាំយកកីឡាករបរទេស៣រូបមកជួយក្រុមក្នុងរដូវកាលថ្មីនេះ។ កីឡាករទាំង ៣នាក់ គឺ Ippei Shimizu ជនជាតិជប៉ុនកើតថ្ងៃទី ១១ ខែ មករា ឆ្នាំ ១៩៨៩ រដូវកាលមុនលេងឲ្យក្លិប Imabari Football Club ដែលលេងនៅលីកលំដាប់ទី៤ របស់ប្រទេសជប៉ុន។ រូបគេត្រូវលេងតួនាទីជាខ្សែបម្រើនៅក្លិបប៉ូលិស។
ទី២ ឈ្មោះ Yuske Ishii ជាជនជាតិជប៉ុនកើតថ្ងៃទី ២៥ ខែ មិថុនា ឆ្នាំ១៩៩៥ ហើយរដូវកាលមុនលេងឲ្យក្លិប Fujieda Football Club ដែលលេងនៅលីកលំដាប់ទី៣របស់ប្រទេសជប៉ុន។ ទី ៣ ឈ្មោះ Adekunjo Nojeem Busayo ជនជាតិនីហ្សេរីយ៉ា កើតថ្ញៃទី ២៦ខែធ្នូ ឆ្នាំ ១៩៩២។ កីឡាកររូបនេះមិនទាន់ប្រាកដក្នុងការចុះកុងត្រា១០០ % នៅឡើយទេ។
ស្របពេលនេះ លោក ជូន ណារិន អ្នកគ្រប់គ្រងក្លិបប៉ូលិសបានឲ្យដឹងដែរថា ក្រៅពីកីឡាករបរទេស ៣ នាក់ខាងលើនេះ គ្មានការផ្លាស់ប្ដូរកីឡាករកម្ពុជាមួយរូបណាឡើយពោលគឺកីឡាករកម្ពុជាដែលលេងកាលពីរដូវកាលមុនគឺនៅទាំងអស់៕
ចុចអាន ៖ស្វាយរៀងប្រជែងយកលេខ១ ប៉ូលិសប្រជែងយកលេខ៣រសៀលនេះនៅវៀតណាម
អត្ថបទ៖ ស្រី សុវណ្ណដារ៉ា