ព្រីម លីហ្សា បង្ហើបពីអត្តសញ្ញាណសង្សារជាអ្នករកស៊ី
- 2015-07-03 17:08:57
- ចំនួនមតិ 0 | ចំនួនចែករំលែក 0
ព្រីម លីហ្សា បង្ហើបពីអត្តសញ្ញាណសង្សារជាអ្នករកស៊ី
ចន្លោះមិនឃើញ
ព្រីម លីហ្សា តារាស្រីដែលក្នុងចង្កោមអ្នកសិល្បៈបានដាក់រហស្សនាម ថាជាតារាសម្ភារៈនិយមដាច់គេ ក្នុងព្រះរាជាណាចក្រកម្ពុជានោះ ថ្មីៗនេះនាងបានព្រលយមាត់ថា កំពុងតែទាក់ទងគ្នាជាមួយបុរសអ្នកជំនួញម្នាក់ ប៉ុន្តែមិនទាន់ឈានដល់ដំណាក់កាលរៀបការនៅឡើយទេ។
តារាសិចស៊ី ព្រីម លីហ្សា បាននិយាយថា សង្សារនាងគឺជាអ្នករកស៊ីលក់ដែក ក៏ដូចជាអ្នកជំនួញពូកែខាងរកស៊ីម្នាក់ ចំអ្វីដែល នាងចូលចិត្ត។ យ៉ាងណា លីហ្សា សុំលាក់ពីឈ្មោះរបស់បុរសនោះសិនព្រោះមិនទាន់ដល់ពេល តែនាងគ្រាន់តែបង្ហើប សង្សាររូបនេះ ជាមនុស្សក្លាហានហ៊ានរកស៊ីដោយខ្លួនឯង មិនចាំបាច់ពឹងពាក់លើប៉ាម៉ាក់ឡើយ។
"មូលហេតុដែលធ្វើឲ្យពួកខ្ញុំស្គាល់គ្នា គឺនៅក្នុងកម្មវិធីខួបកំណើតមិត្តភក្តិម្នាក់ ពេលនោះខ្ញុំមិនបាននៅយូរទេចូលទៅដល់ភ្លាមប្រញាប់ចេញវិញភ្លាម។ គាត់ក៏បានសួរទៅម្ចាស់ខួបកំណើតថាអ្នកណាគេទៅវិញលឿនម្ល៉េះដល់ពេលហ្នឹងខ្ញុំងាកមុខមក បានគាត់ដឹងថាខ្ញុំជាតារា"។ លីហ្សា និយាយ។
ព្រីម លីហ្សា បន្ត៖ "ពេលនោះគាត់មានការចាប់អារម្មណ៍ជាមួយនាងខ្ញុំហើយក៏បានសុំលេខទូរសព្ទដើម្បីទុកទំនាក់ទំនងជាមួយគ្នាថ្ងៃក្រោយ។ ពួកខ្ញុំស្គាល់គ្នាបានប្រហែលជា៤ខែដែរ ប៉ុន្តែពេលដែលចាប់ផ្តើមស្រលាញ់គ្នាទើបតែមួយរយៈចុងក្រោយហ្នឹងទេ"។
មានចំណុចល្អមួយចំនួនជុំវិញទំនាក់ទំនងស្នេហ៍មួយនេះ ដែលភាគីខាងស្រីអះអាងថាជាសញ្ញាណថាពួកនាងអាចឈានឆ្ពោះទៅមុខទៀតបាន។ ចំណុចល្អទី១ លីហ្សា ប្រាប់ថា គ្រួសារបុរសម្នាក់នោះ ជាអ្នករកស៊ី ត្រូវនឹងគ្រួសារនាងក៏រកស៊ីដែរ ឯទី២ នាង និងសង្សារអ្នកជំនួញ មានភាពចុះសម្រុងនឹងគ្នាយល់ចិត្តគ្នាល្អណាស់។
សំខាន់ជាងនេះទៀត ភាគីខាងក្រុមគ្រួសាររបស់អ្នកទាំងពីរក៏បានដឹងខ្លះៗដែរពីទំនាក់ទំនងរបស់ នាង និងសង្សារ ហើយពួកគាត់ ក៏មិនបានថាអីសំខាន់ឲ្យដែរ សំខាន់តែកូនៗមានការយល់ចិត្តគ្នាប៉ុណ្ណោះ។ លីហ្សា បញ្ជាក់៕
ព្រីម លីហ្សា៖ ស្រាយបំភ្លឹរឿងមានប្រាក់ខ្ទង់ម៉ឺនដុល្លារ ទិញសំលៀកបំពាក់
១៤សន្លឹកបង្ហាញពីឈុតលម្អខ្លួនសម្បូរបែបថ្លៃពាន់ ម៉ឺនដុល្លារពី ព្រីម លីហ្សា
អត្ថបទ៖ ថា ម៉ាលីដា