ដេវីដ៖បងពេជ្រ សោភា យកខ្លួនធានាខ្ញុំ
- 2015-07-06 16:57:58
- ចំនួនមតិ 0 | ចំនួនចែករំលែក 0
ដេវីដ៖បងពេជ្រ សោភា យកខ្លួនធានាខ្ញុំ
ចន្លោះមិនឃើញ
"ខាងផលិតកម្មទទួលយកស្នាដៃខ្ញុំក៏ដោយសារបង ពេជ្រ សោភា ដែរគាត់ហ៊ាននិយាយមួយម៉ាត់ធានាថាបើសិនបទរបស់ខ្ញុំមិនលោតទេមិនបាច់ហៅគាត់ថា ពេជ្រ សោភាទេ"។ ដេវីដ បានប្រាប់ Sabay តាមរយៈទូរសព្ទ។
បន្ទាប់ពី ពេជ្រ សោភា បាននិយាយដូច្នេះ ដេវីត ប្រាប់ថា រូបលោកបានព្យាយាមធ្វើយ៉ាងណាកុំឲ្យ សោភា អស់សង្ឃឹមហើយពេលនោះលោកក៏បានយកវ៉ុលដែលបានផលិតទៅឲ្យខាងផលិតកម្មពិនិត្យមើល។ ដេវីត និយាយថា ពេលនោះបទលោកមិនទាន់ចេញភ្លាមៗចាំរហូតដល់ពេលចូលឆ្នាំហើយក៏ចាប់ផ្តើមផ្ទុះតែម្តងទៅ។
បទដែលធ្វើឲ្យ ពេជ្រ សោភា យកខ្លួនធានា ដេវីត នោះគឺបទ "ប៉ាដឹងប៉ាវ៉ៃ" លោកថា បទនឹងចេញកាលពីចូលឆ្នាំខ្មែរគឺមានការទាក់ទាញប្រិយមិត្តខ្លាំងមែនទែន ហើយក៏ជាឱកាសដែលរូបលោកបានឈានជើងធ្វើជាតារាចម្រៀងនៅផលិតកម្មហង្សមាសដែរ។
និយាយពីដំណើរដើមទងដែល ដេវីត បានក្លាយជាដៃគូចម្រៀង និងជាអ្នកនិពន្ធនៅហង្សមាសលោកនិយាយថាវាជារឿងចៃដន្យមួយ។
"បងភា គាត់បានដើររកខ្ញុំឆាតតាមហ្វ៊េសប៊ុកផង ប៉ុន្តែខ្ញុំអត់ដឹង អត់បានទទួលពីគាត់។ថ្ងៃមួយបង ភា រកអ្នកធ្វើបទចម្រៀងថ្មីខាងបទញាក់ហើយប៉ះចំមិត្តភក្តិខ្ញុំដែលចេះតែងតែបទមនោសញ្ចេតនា ហើយគេក៏បានណែនាំខ្ញុំឲ្យទៅសាកជាមួយគាត់"។ ដេវីត ថ្លែង។
ងួន ចាន់ដេវីត បន្តថា ៖ "ខ្ញុំក៏ទៅ តែពេលនោះមិនទាន់បានជួបមុខគាត់ទេ គ្រាន់តែសរសេរបទចម្រៀងហើយផ្ញើទៅគាត់មើលពេលនោះបង ភា បានស្តាប់ហើយគាត់ថា សម្លេងដូចខ្ញុំ(មនុស្សដែលសោភាតាមរក)។ក្រោយមក បង ភា ក៏បានណាត់ខ្ញុំឲ្យទៅជួបគាត់ ហើយគាត់បាននិយាយលេងថា ម៉េចក៏ធ្វើឬកម៉េស តាមរកយូរហើយ"។
តាំងពីនោះមក កំលោះរូបនេះ ក៏បានចាប់ផ្ដើមធ្វើការជាមួយនឹងតារាចម្រៀង ពេជ្រ សោភា តែម្ដង។ មុនដំណើរឈានចូលមកក្នុងផលិតកម្មហង្សមាស ដេវីត ជាអ្នកចម្រៀងតាមប្រព័ន្ធយូធូប ហើយបទដំបូងដែលទស្សនិកជនមានការទទួលស្គាល់រូបលោកគឺ"Live fast die young”។ ដេវីដ ធ្វើជាតារាចម្រៀងលើ Youtube ប្រមាណ៣ឆ្នាំ មុនពេលក្លាយជាតារាចម្រៀងអាជីពនៅហង្សមាសប្រមាណជិត១ឆ្នាំនេះ៕
មិនត្រឹមតែច្រៀង ពេជ្រ សោភា ឥឡូវកំពុងប្រឹងផលិតបទចម្រៀង Original ទៀត
តាំងពីមុនមកដល់ឥឡូវ ពេជ្រ សោភា មានតារា២ដួងក្នុងចិត្ត
អត្ថបទ៖ ថា ម៉ាលីដា