Bayern ចាញ់គ្រប់ប្រកួតនៅ Telekom Cup បន្ទាប់ពីគ្មាន Schweinsteiger
- 2015-07-13 22:10:27
- ចំនួនមតិ 0 | ចំនួនចែករំលែក 0
Bayern ចាញ់គ្រប់ប្រកួតនៅ Telekom Cup បន្ទាប់ពីគ្មាន Schweinsteiger
ចន្លោះមិនឃើញ
ក្រុមជើងឯកអាល្លឺម៉ង់ Bayern Munich ហាក់មានសភាពយ៉ាប់យ៉ឺនមែនទែន បន្ទាប់គ្មានខ្សែបម្រើឆ្នើម Bastian Schweinsteiger ដោយក្រុមខ្លាំងមួយនេះ បានចាញ់គ្រប់ការប្រកួតនៅ Telekom Cup កាលពីម្សិលមិញ។
កីឡាករជើងចាស់ Schweinsteiger ដែលជាវីរបុរសរបស់ក្រុម Bayern បានសម្រេចចាកចេញពីក្លិប កាលពីថ្ងៃសៅរ៍ ដោយផ្ទេរទៅលេងនៅក្រុម Manchester United ដូច្នេះកីឡាករវ័យ៣០ឆ្នាំ មិនអាចជួយក្រុមរបស់លោក Pep Guardiola បានទៀតឡើយ។
ពានរង្វាន់ Telekom Cup ដែលមាន៤ក្រុមចូលរួម និងប្រកួតចំនួន២លើកនោះ គឺ Bayern ចាញ់ទាំង២ប្រកួត ដោយនៅវគ្គពាក់កណ្ដាលផ្ដាច់ព្រ័ត្រចាញ់ FC Augsburg ២-១ និងប្រកួតយកតំណែងលេខ៣ បានចាញ់ Borussia Mönchengladbach ដោយបាល់ប៉េណាល់ទីកាត់សេចក្ដី ៤-៣ ទៀត។
Telekom Cup ១ប្រកួតលេងតែ៤៥នាទី និង២ប្រកួតលេងតែ១ថ្ងៃប៉ុណ្ណោះ ហើយបើស្មើគ្នាគឺសម្រេចទាត់ប៉េណាល់ទីកាត់សេចក្ដីតែម្ដង ហើយក្រុមនីមួយៗអាចដូរកីឡាករឲ្យចូលលេងបានតាមចិត្ត។
ដូច្នេះពាន Telekom Cup ២០១៥នេះ គឺក្រុម Hamburger SV ជាជើងឯក, FC Augsburg លេខ២, Mönchengladbach លេខ៣ និង Bayern លេខចុងក្រោយគេគឺលេខ៤៕
សូមទស្សនាវីដេអូហាយឡាយ ក្រុម Bayern ខាងក្រោម៖
-ចុចអាន៖ Schweinsteiger ចេញស្ប៉តឲ្យកាស Beats ទាក់ទងការផ្ទេរទៅ Man Utd
ប្រែសម្រួល៖ វិន ជីវ័ន្ត ប្រភព៖ dailymail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
