PSY ជួបគ្រោះថ្នាក់ចរាចរណ៍ ខណៈរថយន្ត Rolls-Royce បុកជាមួយឡានក្រុង
- 2015-07-17 16:21:26
- ចំនួនមតិ 0 | ចំនួនចែករំលែក 0
PSY ជួបគ្រោះថ្នាក់ចរាចរណ៍ ខណៈរថយន្ត Rolls-Royce បុកជាមួយឡានក្រុង
ចន្លោះមិនឃើញ
តារាចម្រៀងក្នុងផលិតកម្មYG PSY បានជួបគ្រោះថ្នាក់ចរាចរណ៍ខណៈរថយន្ត Rolls Royce របស់គេបានបុកគ្នាជាមួយឡានក្រុងមួយគ្រឿងក្នុងប្រទេសចិន កាលពីថ្ងៃទី១៦ ខែកក្កដា ម្សិលមិញ។
របាយការណ៍ផ្សេងៗបានឲ្យដឹងថា ម្ចាស់បទ "Gangnam Style" បានបើករថយន្តទំនើបRolls-Royce ពណ៌ក្រហមរបស់ខ្លួនចេញពីប្រលានយន្តហោះ ស្រាប់តែដល់ចំណុចប្រសព្វមួយក្នុងទីក្រុង Hangzhou រថយន្តរបស់គេក៏បានបុកជាមួយ ឡានក្រុមមួយគ្រឿងអំឡុងពេលប្រហែលម៉ោង៣ថ្ងៃរសៀល។
បើតាមសម្ដីមន្ត្រីប៉ូលិសចរាចរណ៍ក្នុងទីក្រុងHangzhou បាននិយាយថា អ្នកបើកឡានក្រុងម្នាក់នោះព្រមទទួលកំហុសនិងយល់ព្រមសងថ្លៃខូចខាតទាំងប៉ុន្មានទៅឲ្យម្ចាស់ឡាន Rolls-Royce ទាំងអស់។
តាមសម្ដី PSY ក៏បានរៀបរាប់ដែរថា លោកបានបើកបរចេញពីប្រលានយន្តហោះសំដៅទៅសណ្ឋាគារហើយក៏បានជួបរឿងអាក្រក់បែបនេះ តែសំណាងល្អគ្រោះថ្នាក់នេះមិនបានធ្វើឲ្យនរណាម្នាក់របួស ឬស្លាប់ឡើយ។
តារាវ័យ៣៧ឆ្នាំនេះបានទៅប្រទេសចិនដើម្បីរៀបចំការសម្ដែងជាពិសេសក្នុងបារមួយកន្លែងដែលត្រូវសម្ពោធនៅយប់ថ្ងៃទី១៧ខែកក្កដានេះ ៕
ប្រែសម្រួល៖ ហេង សុធារិទ្ធិ ប្រភព៖ koreaboo
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
