ស្រីៗពូកែឌឺប្រយ័ត្នបាក់អំនួតដូចក្នុងរឿង «អន្លង់ស្នេហ៍ក្រមុំមុខឌឺ»

2015-08-03 22:15:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាក្យចាស់មួយឃ្លាបាននិយាយថា "ស្អប់ជំពប់លើ" "បើស្អប់ណាស់រឹតតែជួបណាស់" ពិសេសមនុស្សប្រុសនិងមនុស្សស្រី បើស្អប់គ្នា ហើយចូលចិត្តឌឺដងគ្នាទៅវិញទៅមកមិនស្វាង ជួបគ្នាពេលណាមានតែរឿងឈ្លោះគ្នាពេលនោះ បែបនេះប្រហែលជាថ្ងៃណាមួយបាក់ចិត្តលង់ស្រលាញ់គ្នាបាត់មុខមិនបានផងក៏ថាបាន។

«អន្លង់ស្នេហ៍ក្រមុំមុខឌឺ» សាច់រឿងស្នេហារបស់កញ្ញាអ្នកបង្ហាញម៉ូដដ៏ស្រស់ស្អាត និងកំលោះកូនអ្នកមានពូកែសម្ដីម្នាក់។ ពួកគេបានស្គាល់គ្នាដំបូងនៅពេលដែលខាងស្រីមិនប្រយ័ត្នជ្រុលបើកឡានទៅបុកម៉ូតូខាងប្រុសចំពីក្រោយដួលច្រងាប់ច្រងិល។ ស្រីស្អាតដឹងខ្លួនខុសក៏ស្ទុះចុះពីឡានទៅនិយាយសុំទោសយ៉ាងប្រញាប់ តែខាងប្រុសវិញបែរជានិយាយជះកំហឹងមកវិញខ្លាំងៗហាក់ស្ដាប់គ្នាមិនបាន។

ចាប់ពីថ្ងៃតឹងសរសៃកដាក់គ្នាម្ដងរួចមក ប្រុសស្រីមួយគូនេះទៅណាមកណាក៏ជួបមុខគ្នាដែរ ដូចគេថាផែនដីនេះចង្អៀតណាស់ មនុស្សមិនចង់ជួបបែរជាដើរទៅណាក៏ជួប។ តើរាល់ពេលពួកគេទាំងពីរជួបគ្នាម្ដងៗមានរឿងអីឌឺដងគ្នាខ្លះ ហើយគេប្រែពីស្អប់ត្រឡប់ជាស្រលាញ់ដោយរបៀបណា?

កុំភ្លេចរង់ចាំតាមដានរឿងនេះទាំងអស់គ្នា ដែលជាស្នាដៃរបស់និស្សិតសាកលវិទ្យាល័យភូមិន្ទភ្នំពេញ នឹងចេញផ្សាយនៅថ្ងៃសុក្រសប្ដាហ៍នេះ៕

ចុចត្រង់នេះដើម្បីអានប្រលោមលោកជាច្រើនទៀត...

អត្ថបទ៖ វីរៈ