និស្សិតកម្ពុជានឹងទទួលចំណេះដឹងឌីហ្សាញលំដាប់ពិភពលោកឆាប់ៗនេះ

2015-08-05 17:33:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ ក្រុមហ៊ុន Dassault Systèmes ជាក្រុមហ៊ុនបច្ចេកវិទ្យា3D (3DEXPERIENCE) ផ្ដល់ដំណោះស្រាយផ្នែកប្រព័ន្ធ Software 3D ឌីហ្សាញ សំណង់គំរូឌីជីថល 3D (3D Digital Mock Up) និងការគ្រប់គ្រងវដ្ដនៃផលិតផល(PLM) នឹងផ្តល់ចំណេះដឹងទាំងនេះដល់និស្សិតនៃសាលាតិចណូដំបូងគេនៅកម្ពុជា។

លោក Samson Khaou នាយកគ្រប់គ្រងក្រុមហ៊ុន Dassault Systemes បានឲ្យដឹងថា ក្រុមហ៊ុនលោកនឹងផ្លាស់ប្តូរអនាគតនៃប្រព័ន្ធអប់រំតាមបែប STEM និងការអភិវឌ្ឍជំនាញសម្រាប់សិស្សនិស្សិតនៅក្នុងប្រទេសកម្ពុជា ដើម្បីបង្កើតឧបករណ៍ថ្មីៗតាមគំនិតដែលពួកគេនឹកឃើញ។ លោកបន្តថា ក្រុមហ៊ុន Dassault Systemes ប្ដេជ្ញាចិត្តក្នុងការផ្ដួចផ្ដើមប្រព័ន្ធអប់រំតាមបែប STEM ដែលអាចបណ្ដុះបណ្តាលជំនាញ និងគំនិតច្នៃប្រឌិតរបស់អ្នកឌីហ្សាញ និងវិស្វករជំនាន់ក្រោយក្នុងប្រទេសកម្ពុជា។

សម្រាប់ការបង្រៀនគឺតាមវីដេអូ និងសេចក្ដីណែនាំក្នុងឯកសារ PDF ឯកសារគម្រោង វីដេអូពន្យល់ណែនាំ ការបង្រៀនអំពីប្រព័ន្ធ SOLIDWORKS STEM តាមប្លុក និងធនធានកម្មវិធីសិក្សាជំនួយដទៃទៀតដែលនឹងជួយបង្កើនប្រសិទ្ធភាពអប់រំដល់សាស្ត្រាចារ្យក្នុងការបង្រៀនសិស្ស។ លើសពីនេះទៀត សិស្សនិស្សិតនឹងមានឱកាសប្រើប្រាស់កម្មវិធី 3D, CAD ការធ្វើពិសោធន៍ ការគ្រប់គ្រងទិន្នន័យផលិតផល និងការចុះអនុវត្តផ្ទាល់ក្នុងការប្រើប្រាស់ឧបករណ៍បច្ចេកទេស ការឌីហ្សាញប្រព័ន្ធអគ្គិសនី និងការរចនាម៉ូដផលិតផល។

នាយកគ្រប់គ្រងរូបនេះបញ្ជាក់ថា ឥឡូវមានតែសាលាតិចណូដែលជាដៃគូសហការដំបូងគេក្នុងការបណ្តុះបណ្តាលលើជំនាញនេះ ហើយការសិក្សានឹងចាប់ផ្តើមក្នុងខែ តុលាខាងមុខនេះ។