Windows 10 ធ្វើបាបបុរសម្នាក់ ដោយបង្ហាញរូបភាពសិចជា Slideshow ក្រោយដំឡើងរួច
- 2015-08-05 20:18:04
- ចំនួនមតិ 0 | ចំនួនចែករំលែក 0
Windows 10 ធ្វើបាបបុរសម្នាក់ ដោយបង្ហាញរូបភាពសិចជា Slideshow ក្រោយដំឡើងរួច
ចន្លោះមិនឃើញ
ដោយសារតែ Windows 10 មានមុខងារថ្មីៗពិសេស ធ្វើឲ្យមនុស្សជាច្រើននាំគ្នាដំឡើងនូវប្រព័ន្ធប្រតិបត្តិការថ្មីនេះយ៉ាងព្រោងព្រាត។ ដោយឡែកសម្រាប់បុរសម្នាក់នេះវិញក៏បានដំឡើងប្រព័ន្ធប្រតិបត្តិការថ្មីនេះដែរ ប៉ុន្តែបែរជាជួបរឿងដ៏គួរឲ្យអស់សំណើចមួយវិញ។
សារព័ត៌មានអង់គ្លេស Daily Mail បានចុះផ្សាយថា បុរសម្នាក់ដែលមានគណនី Reddit ឈ្មោះ FalloutBoS បានរៀបរាប់ពីហេតុការណ៍គួរអស់សំណើចមួយ ដែលខ្លួនជួបប្រទះជាមួយ Windows 10។ ដំបូងឡើយគាត់បានចាប់ផ្ដើមដំឡើង Windows 10 ដូចគេឯងដែរ ដោយទុកកុំព្យូទ័រចោលពេញមួយយប់ដើម្បីឲ្យវាដំណើរការ។ ស្រាប់តែព្រលឹមឡើង ប្រពន្ធរបស់គាត់បានឃើញនូវរូបភាពសិចដែលបុរសជាប្ដីបានលាក់ទុកក្នុងកុំព្យូទ័រ បង្ហាញជាលក្ខណៈ Slideshow ដែលធ្វើឲ្យអ្នកស្រីមានការខឹងសម្បារយ៉ាងខ្លាំង។ បុរសជាប្ដីបាននិយាយថា មិនដឹងមកពីហេតុអ្វីរូបភាពសិចដែលគាត់បានរក្សាទុកក្នុង Folder My Pictures បែរជាបង្ហាញជា Slideshow គ្មានសល់មួយរូបណា។
ជាការពិត រាល់រូបភាពដែលរក្សាទុកនៅក្នុង Folder My Pictures នឹងបង្ហាញជាលក្ខណៈ Slideshow ដោយស្វ័យប្រវត្តនៅពេលដែលកុំព្យូទ័រទុកចោលសម្រាប់ Windows 10។
FalloutBoS បានចែករំលែកនូវរឿងនេះ ដើម្បីឲ្យអ្នកដែលមានបំណងចង់ដំឡើង Windows 10 មានការប្រុងប្រយ័ត្ន។ ប្រសិនបើមានរូបភាពសិចកុំរក្សាទុកក្នុង Folder My Pictures ប្រយ័ត្នជួបរឿងអាម៉ាស់ដូចគាត់៕
-ចុចអាន៖ ឥណ្ឌាបិទវិបសាយបង្ហោះរឿងសិចជាង៨០០វិបសាយ
ប្រែសម្រួល៖ ហៃ សុខហេង ប្រភព៖ dailymail