ACT៖ U-18 ភ្នំពេញក្រោនចាញ់ជើងខ្លាំងជប៉ុន U-18 Kashima Antlers ៥-០
- 2015-08-05 22:26:47
- ចំនួនមតិ 0 | ចំនួនចែករំលែក 0
ACT៖ U-18 ភ្នំពេញក្រោនចាញ់ជើងខ្លាំងជប៉ុន U-18 Kashima Antlers ៥-០
ចន្លោះមិនឃើញ
ក្រុមយុវជន U-18 ភ្នំពេញក្រោនបានចាញ់ក្រុមយុវជនជើងខ្លាំងរបស់ជប៉ុន U-18 Kashima Antlers ដោយលទ្ធផល ៥-០ មុននេះបន្តិចនៅកីឡដ្ឋាន Kashima Soccer Stadium សម្រាប់ការប្រកួតពានរង្វាន់បាល់ទាត់យុវជនអាស៊ី Asia Champion Trophy U-18 2015 ( ACT)។
កីឡាករ U-18 ភ្នំពេញក្រោនថតរូបជុំគ្នាមុនចេញដំណើរទៅជប៉ុន
ការប្រកួតតង់ទីមួយក្រុមខ្លាំងប្រចាំប្រទេសជប៉ុនបានទម្លាយសំណាញ់ទីរបស់ភ្នំពេញក្រោន៣គ្រាប់ និងបន្ថែម២គ្រាប់ទៀតនៅតង់ទីពីរ។ ៥ គ្រាប់របស់ U-18 Kashima Antlers រកបានដោយកីឡាករ Nishimoto, Kakita, Ishizu, Shikama និងYoshioka ។ ចំពោះក្រុមភ្នំពេញក្រោនវិញមិនអាចតដៃជាមួយក្រុមម្ចាស់ផ្ទះបានឡើយ។ Kashima Antlers ជាក្រុមយុវជនជោគជ័យបំផុតរបស់ជប៉ុន ដែលធ្លាប់មានប្រវត្តិជួបក្រុមយុវជនខ្លាំងៗ មួយចំនួននៅអឺរ៉ុបជាច្រើន នាពេលកន្លងមក។ ក្រុមនេះនឹងធ្វើដំណើរមកជួបភ្នំពេញក្រោនវិញនៅកីឡដ្ឋាន RSN នាថ្ងៃទី១៤ ខែតុលាខាងមុខសម្រាប់ការប្រកួតជើងទីពីរនៅក្នុងដីរបស់ភ្នំពេញក្រោន។
ភ្នំពេញក្រោនស្ថិតនៅពូល B ជាមួយ Kashima Antlers (ជប៉ុន), PVF របស់វៀតណាម និង Frenz United B របស់ម៉ាឡេស៊ី។ ការប្រកួតគឺធ្វើឡើងលក្ខណៈវិលជុំ ក្នុងដី និងក្រៅដី។ ប្រកួតបន្ទាប់របស់ភ្នំពេញក្រោនប៉ះ Frenz United B នៅកីឡដ្ឋាន RSN នាថ្ងៃសុក្រ ទី១៤ សីហា សប្ដាហ៍ក្រោយ៕
អត្ថបទ៖ ស្រី សុវណ្ណដារ៉ា