ប្រជាជនអាមេរិកកំពុងផ្អើលក្រោយស្ត្រីម្នាក់ថតបានមនុស្សបង្កួយ

2015-08-05 22:51:13
ចំនួនមតិ 0 | ចំនួនចែករំលែក 0

ចន្លោះមិនឃើញ

សារព័ត៌មានជាច្រើនរបស់សហរដ្ឋអាមេរិក កំពុងចុះផ្សាយរូបមួយសន្លឹកបង្ហាញពីមនុស្សបង្កួយ ដែលថតបានដោយស្ត្រីម្នាក់កាលពីថ្ងៃអាទិត្យនៅរដ្ឋ South Carolina។

រូបភាពដែលថតបានកាលពីថ្ងៃអាទិត្យ

ស្ត្រីដែលជាម្ចាស់រូបថតបាននិយាយថា នាងបានឃើញសត្វចម្លែកនៅជិតព្រះវិហារមួយក្នុងក្រុង Sumter រដ្ឋ South Carolina កាលពីថ្ងៃអាទិត្យ ហើយថែមទាំងបានថតរូបទុកទៀតផង។ “ខ្ញុំសូមស្បថ... ខ្ញុំអត់បានបង្កើតរូបនេះឡើងទេ"។ ស្ត្រីដែលជាអ្នករួបសត្វចម្លែក សរសេរទៅកាន់សារព័ត៌មាន ABC News 4 របស់សហរដ្ឋអាមេរិក។

សត្វចម្លែករូបរាងដូចមនុស្សបង្កួយនេះ ត្រូវបានប្រទះឃើញជាច្រើននៅរដ្ឋ South Carolina កាលពីឆ្នាំ១៩៨៨។ បន្ថែមពីលើរូបភាពនេះ បុរសម្នាក់ដែលមិនបង្ហាញអត្តសញ្ញាណ ថែមទាំងផ្ញើវីដេអូទៅឲ្យសារព័ត៌មានផងដែរ ក្រោយឃើញការចុះផ្សាយពីររឿងមនុស្សបង្កួយ។

“ខ្ញុំឃើញព័ត៌មានមនុស្សបង្កួយរបស់អ្នក ហើយវាបានជំរុញឲ្យខ្ញុំផ្ញើវីដេអូដែលថតបានតាំងពីខែឧសភាឲ្យអ្នក"។ បុរសមិនបង្ហាញអត្តសញ្ញាណសរសេរទៅកាន់សារព័ត៌មាន។ លោកបានបន្តទៀតថា "បើទោះបីប្រពន្ធខ្ញុំជឿថាជារឿងពិត ក៏នាងនិយាយថានាងអាចខ្មាសគេ ព្រោះគ្រប់គ្នានឹងគិតថាខ្ញុំឆ្កួត... អ៊ីចឹងហើយបានខ្ញុំរក្សាទុករហូតមក"។

ទស្សនាវីដេអូដែលថតបានតាំងពីខែឧសភា៖

យ៉ាងណាក្ដី បើតាមសារព័ត៌មាន CNN បានឲ្យដឹងថា មនុស្សជាច្រើនមិនជឿជាក់ថាមនុស្សបង្កួយក្នុងរូបភាពជាការពិតឡើយ។ ពួកគេគិតថាមានមនុស្សបន្លំខ្លួនជាសត្វចម្លែកនេះ ដើម្បីបន្លាចប្រជាជនចេញពីតំបន់ រួចជីកយកកំណប់មានតម្លៃអ្វីមួយ៕

ចុចអាន៖ អណ្ដើកចម្លែកដូចសត្វយុគសម័យដាយណូស័របង្ហាញខ្លួននៅប្រទេសរុស្ស៊ី

ប្រែសម្រួល៖ គង់ វិសាល ប្រភព៖ nydailynews