រកឃើញកាក់មាសសម័យបុរាណនៅបាតសមុទ្រ រដ្ឋ Florida

2015-08-21 23:24:37
ចំនួនមតិ 0 | ចំនួនចែករំលែក 0

ចន្លោះមិនឃើញ

កាក់មាសសម័យបុរាណជាច្រើន ត្រូវបានក្រុមអ្នករុករករបស់ក្រុមហ៊ុនមួយរកឃើញនៅតំបន់សមុទ្រភាគខាងកើតនៃរដ្ឋ Florida សហរដ្ឋអាមេរិក។ កាក់មាសទាំងនោះ អាចមានតម្លៃ៤,៥លានដុល្លារសហរដ្ឋអាមេរិក។

តាមលោក Bartlett និងក្រុមការងារមុជទឹកដែលបានរកឃើញកាក់មាសបុរាណនោះ បានឲ្យដឹងថាកាក់មាសបុរាណដែលរកឃើញនៅនឹងថ្មក្នុងបាតសមុទ្រដែលមានជម្រៅ៨ហ្វ៊ីតថ៍ (២,៤ម៉ែត្រ)។ ពួកគេបានចំណាយពេល៥ថ្ងៃ ដើម្បីស្រង់វាឡើងមក។

សារព័ត៌មាន USAToday បានឲ្យដឹងថា កាក់មាសបុរាណទាំងនោះវាជាសម្បត្តិរបស់ខ្មោចសំពៅមួយ ក្នុងចំណោមសំពៅ១១ដែលបានលិចក្នុងសមុទ្រដោយសារព្យុះតាំងពីសតវត្សទី១៨មក។ គេបានដឹកសម្បត្តិទាំងនោះចេញពីទីក្រុង Havana ប្រទេសគុយបាក្នុងឆ្នាំ១៧១៥ ទៅថ្វាយស្ដេចប្រទេសអេស្ប៉ាញ។ ក្រោយមកសំពៅទាំងនោះបានជួបនឹងខ្យល់ព្យុះ និងបានលិចទៅក្នុងសមុទ្រក្បែរតំបន់ភាគខាងកើតរដ្ឋ Florida សហរដ្ឋអាមេរិកសព្វថ្ងៃ។

តាមច្បាប់នៃរដ្ឋ Florida ចំពោះក្រុមហ៊ុនដែលរុករកសម្បត្តិវត្ថុមហាសាល ត្រូវផ្ដល់ចំណែក២០ភាគរយនៃសម្បត្តិដែលរកឃើញជូនរដ្ឋវិញ៕