បេក្ខជន X Factor យប់មិញ ច្រៀងឲ្យ Simon Cowell ទប់ទឹកភ្នែកអត់ជាប់
- 2015-08-31 14:52:41
- ចំនួនមតិ 0 | ចំនួនចែករំលែក 0
បេក្ខជន X Factor យប់មិញ ច្រៀងឲ្យ Simon Cowell ទប់ទឹកភ្នែកអត់ជាប់
ចន្លោះមិនឃើញ
បេក្ខជន X Factor ម្នាក់កាលពីយប់មិញ បានធ្វើឲ្យលោក Simon Cowell ចូលតួដល់ស្រក់ទឹកភ្នែក ក្រោយច្រៀងបទកម្សត់ ចំពេលដែលគណៈកម្មការដាក់ពិន្ទុរូបនេះ (judge) ទើបនឹងបាត់បង់ម្ដាយកាលពីខែមុន។
Simon យកដៃជូតទឹកភ្នែក
បេក្ខជនដែលមានឈ្មោះថា Josh Daniels នោះ បានច្រៀងបទ Jealous របស់អ្នកចម្រៀង Labrinth។ ការជ្រើសរើសបទនេះមកច្រៀង គឺដោយសារតែបេក្ខជនវ័យ២១ឆ្នាំ ចង់រំលឹកដល់មិត្តភ័ក្ដិជិតស្និទ្ធរបស់ខ្លួនដែលបានស្លាប់កាលពីអាយុ១៨ឆ្នាំ ដោយសារគ្រោះថ្នាក់ចរាចរ។
Josh ដែលបានឆ្លងផុតវគ្គ Audition នេះ បាននិយាយប្រាប់ Judge ទាំង៣ មុនពេលច្រៀងថា ៖ "ខ្ញុំបានបាត់បង់មិត្តភ័ក្តិដ៏ល្អម្នាក់ កាលពីប៉ុន្មានឆ្នាំមុន ហើយខ្ញុំចង់បកស្រាយពីអារម្មណ៍របស់ខ្ញុំតាមរយៈបទចម្រៀង"។
បេក្ខជន Josh Daniels
ក្រោយចាប់ផ្ដើមច្រៀង បទចម្រៀងនេះបានធ្វើឲ្យលោក Simon ចូលអារម្មណ៍ ដល់ថ្នាក់ក្ដុកក្ដួល ទប់ទឹកភ្នែកមិនជាប់។ មិនត្រឹមតែ Simon ប៉ុណ្ណោះទេ Cheryl Fernandez-Versini ដែលជា Judge មួយរូបទៀត ក៏ស្រក់ទឹកភ្នែកដែរ។
Cheryl ស្រក់ទឹកភ្នែកពេលបញ្ចេញយោបល់
ចង់ដឹងថា Josh ច្រៀងពីរោះ និងចូលតួប៉ុណ្ណា សូមទស្សនាវីដេអូទាំងស្រុងខាងក្រោម៖
ចុចអាន៖ កម្មវិធី “The X Factor” អង់គ្លេសប្រកាសថ្ងៃផ្សាយបើករដូវកាលទី១២ហើយ
ដោយ៖ សុវត្ថិ ប្រភព៖ youtube The X Factor UK