Mourinho ស្ដីឱ្យកូនក្រុមគ្រប់គ្នាថាលេងអន់បំផុតក្នុងប្រវត្តិសាស្ត្រតាំងពីឆ្នាំ១៩៧១មក
- 2015-08-31 16:41:10
- ចំនួនមតិ 0 | ចំនួនចែករំលែក 0
Mourinho ស្ដីឱ្យកូនក្រុមគ្រប់គ្នាថាលេងអន់បំផុតក្នុងប្រវត្តិសាស្ត្រតាំងពីឆ្នាំ១៩៧១មក
ចន្លោះមិនឃើញ
Jose Mourinho អ្នកចាត់ការក្រុម Chelsea បានដាក់កំហុសជាខ្លាំងដល់កូនក្រុមរបស់ខ្លួនទាំងអស់ថាលេងអន់បំផុតក្នុងប្រវត្តិសាស្ត្រក្នុងក្លិបតោខៀវ ពោលគឺតាំងពីឆ្នាំ១៩៧១មក មានតែលើកនេះហើយដែលបាក់មុខជាងគេ (៤ប្រកួតចាញ់២ ស្មើ១ ឈ្នះ១)។
Mourinho មិនដែលមានកំណត់ត្រាអាក្រក់យ៉ាងនេះទេពីមុនមក ដោយបើករដូវកាល៤ប្រកួតដំបូង ឱ្យគេស៊ុតចូលដល់ទៅ៩គ្រាប់។ ដែលនេះក៏ជាប្រវត្តិសាស្ត្រអាក្រក់ថ្មីមួយសម្រាប់តោខៀវផងដែរ ព្រោះថាតាំងពីឆ្នាំ១៩៧១មក មិនទាន់ធ្លាប់ទទួលរងការអាម៉ាស់យ៉ាងនេះនោះទេ។ ចំពោះកំហុសទាំងអស់នេះ អ្នកចាត់ការសញ្ជាតិព័រទុយហ្គាល់រូបនេះបានទម្លាក់ទៅលើកីឡាករទាំងអស់ បូករួមទាំង Eden Hazard ផងដែរ។
John Terry , Nemanja Matic ធ្លាក់ទម្រង់លេងខ្លាំង, Branislav Ivanovic មិនមានអារម្មណ៍ជាប់ខ្លួន, Nemanja Matic ភ្លឹកៗ, Cesc Fabregas លេងមិនល្អ , Eden Hazard គ្មានទំនុកចិត្តហើយសូម្បីតែ Costa ក៏មិនមុតទៀតនោះគឺជាបញ្ហាធំដែលលោក Mourinho បានលើកឡើង។ ដោយមើលឃើញដូច្នេះ អតីតអ្នកចាត់ការក្រុម Real Madrid ក៏បានចេញមកបញ្ជាក់ដែរថារូបលោកនឹងដោះស្រាយបញ្ហានេះឱ្យបានមុនបិទរដូវកាលដោះដូរកីឡាករ។ ប្រសិនបើកូនក្រុមណាមិនអាចបញ្ចេញទម្រង់លេងឱ្យត្រូវទេនោះ គឺមានន័យថាអាចនឹងមានការផ្លាស់ប្ដូរហើយ។
ក្រុមការពារតំណែងជើងឯក Premier League ខាងលើ ចាប់ផ្ដើមរដូវកាលមិនល្អនោះទេ ពោលគឺតាំងពី Pre-season មកម្ល៉េះ។ ចំណែកឯការដោះដូរកីឡាករវិញ តោខៀវក៏មិនទាន់បានទិញកីឡាករច្រើនណាស់ណាដែរ ចាំមើលនៅសល់ជាង១ថ្ងៃទៀតនេះ ថាតើ Chelsea នឹងលក់ចេញទិញចូលកីឡាករណាខ្លះថែមទៀត?
ចុចអាន៖ អ្នកពាក់លេខ៩ Chelsea ច្រើនតែបរាជ័យនៅ EPL ចុះ Falcao វិញ យ៉ាងណាដែរ?
ប្រែសម្រួល៖ មុន្នី រម្យ ប្រភព៖ mirror