ធនាគារ BIDV រៀបចំពិធីថ្លែងអំណរគុណដល់អតិថិជននិងពិធីរំលឹកខួប៦ឆ្នាំ នៃការបង្កើតធនាគារ BIDC
- 2015-08-31 17:26:47
- ចំនួនមតិ 0 | ចំនួនចែករំលែក 0
ធនាគារ BIDV រៀបចំពិធីថ្លែងអំណរគុណដល់អតិថិជននិងពិធីរំលឹកខួប៦ឆ្នាំ នៃការបង្កើតធនាគារ BIDC
ចន្លោះមិនឃើញ
កាលពីថ្ងៃទី ២៨ ខែ សីហា ឆ្នាំ ២០១៥ នៅរាជធានីភ្នំពេញ ព្រះរាជាណាចក្រកម្ពុជា ធនាគារពាណិជ្ជវិនិយោគ និងអភិវឌ្ឍន៍ វៀតណាម (BIDV) និង ធនាគារវិនិយោគ និង អភិវឌ្ឍកម្ពុជា (BIDC)បានរៀបចំកម្មវិធីថ្លែងអំណរគុណអតិថិជនក្នុងឱកាសរំលឹកខួបគម្រប់ ២០ឆ្នាំ ធនាគារ BIDVបានផ្លាស់ប្ដូររចនាសម្ព័ន្ធប្រតិបត្តិការមកជាធនាគារពាណិជ្ជដោយបានធ្វើសមាហរណកម្មទៅក្នុងទីផ្សារហិរញ្ញវត្ថុអន្តរជាតិ និងពិធីរំលឹកខួប០៦ ឆ្នាំនៃការបង្កើតធនាគារ BIDC។
កម្មវិធីបានប្រព្រឹត្តទៅប្រកបដោយមោទនភាព និងភាពកិត្តិយសដោយមានការអញ្ជើញចូលរួម ជាភ្ញៀវកិត្តិយសពីសំណាក់៖ លោកជំទាវ ម៉ែន សំអន ឧបនាយករដ្ឋមន្ត្រីនៃរាជរដ្ឋាភិបាលកម្ពុជា ឯកឧត្ដម ជា ចាន់តូ អគ្គទេសាភិបាលធនាគារជាតិនៃកម្ពុជា ឯកឧត្ដម មិន ឃិន រដ្ឋមន្រ្តីក្រសួងធម្មការនិងសាសនា ឯកឧត្តម ស្រ៊ី ថាមរ៉ុង រដ្ឋមន្រ្តី អមនាយករដ្ឋមន្ត្រីនៃព្រះរាជាណាចក្រកម្ពុជា ឯកឧត្តម សៅ សុខា អគ្គមេបញ្ជាការ កងរាជអាវុធហត្ថលើផ្ទៃប្រទេស ឯកឧត្តម ថាច់ យឺ ឯកអគ្គរដ្ឋទូតនៃសាធារណរដ្ឋសង្គមនិយមវៀតណាមនៅព្រះរាជាណាចក្រកម្ពុជា រួមជាមួយតំណាងថ្នាក់ដឹកនាំក្រសួង ស្ថាប័ន នៃព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាមនៅប្រទេសកម្ពុជា ព្រមទាំងមានការអញ្ជើញចូលរួមពីអតិថិជនដ៏ពិសេសរបស់ ធនាគារ BIDV និង ធនាគារ BIDC ប្រមាណជាង ១០០ នាក់។
ព្រឹត្តិការណ៍កម្មវិធីថ្លែងអំណរគុណអតិថិជនរបស់ BIDV/BIDC គឺបង្ហាញចេញនូវវប្បធម៌ទំនាក់ ទំនងល្អប្រពៃរបស់ BIDV/BIDC ដើម្បីសំដែងនូវការអរគុណចំពោះការជួយជ្រោមជ្រែងពីសំណាក់ ក្រសួង ស្ថាប័ន រាជរដ្ឋាភិបាលកម្ពុជា និង អតិជនទាំងអស់របស់ BIDV/BIDC ក្នុងរយៈពេលកន្លងមក។
ធនាគារ BIDV ត្រូវបានបង្កើតឡើងតាំងពីឆ្នាំ ១៩៥៧ នៅពេលចាប់ផ្តើមដំបូងជាធនាគារដែលមានមុខងារបែងចែកធនធានដែលជាថវិការបស់រដ្ឋាភិបាល។ រហូតមកដល់ឆ្នាំ១៩៩៥ ធនាគារ BIDVបានផ្លាស់ប្តូររចនាសម្ព័ន្ធប្រតិបត្តិការមកជាធនាគារពាណិជ្ជវិញ និងមានការរីកចម្រើនគួរជាទីកត់សំគាល់។ បច្ចុប្បន្នទ្រព្យសរុបរបស់ BIDV កើនឡើងដល់ ៣៥ ពាន់លានដុល្លារអាមេរិកស្ថិតក្នុង ចំណោម ៤ ធនាគារធំបំផុតនៅក្នុងប្រទេសវៀតណាម។ ដើម្បីសម្រេចបានលទ្ធផលដូចក្នុងពេលនេះ តាំងពីពេលចាប់ផ្តើមផ្លាស់ប្តូររចនាសម្ព័ន្ធប្រតិបត្តិការទៅជាធនាគារពាណិជ្ជ ធនាគារ BIDV បានព្យាយាមធ្វើការប្រមែប្រមូលចលនាទុនទាំងក្នុងប្រទេស និងធ្វើការស្វែងរកប្រភពទុនពីបរទេសព្រមទាំងសហការជាមួយដៃគូអន្តរជាតិពង្រីកសកម្មភាពអាជីវកម្មផ្គត់ផ្គង់ដើមទុនដល់គម្រោងអភិវឌ្ឍសេដ្ឋកិច្ចសង្គមរបស់ប្រទេសជាតិ។
ក្នុងរយៈពេល ២០ ឆ្នាំដែលបានធ្វើសមាហរណកម្មទៅក្នុងទីផ្សារហិរញ្ញវត្ថុសកលលោក ក៏ដូចជាក្នុងទីផ្សារហិរញ្ញវត្ថុកម្ពុជា ធនាគារ BIDV បានយកចិត្តទុកដាក់យ៉ាងពិសេសក្នុងកិច្ចការបង្កើតឡើងនូវបណ្ដាវត្តមានពាណិជ្ជកម្មរបស់ខ្លួនចាប់តាំងពីឆ្នាំ២០០៩ មក ដែលអង្គភាពពាណិជ្ជកម្មមានសក្ដានុពលបំផុតនោះគឺធនាគារ BIDC។ BIDCតែងតែជាធនាគារ ផ្តល់ទុន និងសេវាកម្ម ដ៏ទំនើបសំបូរបែបសមស្របតាមតម្រូវការរបស់អតិថិជនក្នុងប្រទេសកម្ពុជា រួមមានទំាងអតិថិជនក្នុងស្រុក និងវិនិយោគិនបរទេស។
គិតមកត្រឹមខែ មិថុនា ឆ្នាំ ២០១៥ ធនាគារ BIDCមានទ្រព្យសរុបកើនឡើងដល់ ៦២០ លានដុល្លារអាមេរិក ដែលកើនឡើង ៣,២ ដង ធៀបនឹងឆ្នាំ ២០០៩ ឥណទានសរុបដែលបានផ្តល់ប្រមាណជិត ៥០០ លានដុល្លារអាមេរិក កើនឡើង ៣,៥ ដង ធៀបនឹងឆ្នាំ ២០០៩ ប្រាក់បញ្ញើរបស់អតិថិជនក្នុងស្រុកមានចំនួន ២២០ លានដុល្លារអាមេរិក កើន ២,៣ ដងធៀបនឹងឆ្នាំ២០០៩។ ជាមួយលទ្ធផលនេះបានបង្ហាញចេញ លទ្ធផលជាវិជ្ជមានក្នុងសកម្មភាពអាជីវកម្ម និងផលចំណេញមានកំណើនកាន់ តែប្រសើរឡើងជានិច្ច។
តាំងពីបង្កើតបានទីស្នាក់ការដំបូងមានតែនៅរាជធានីភ្នំពេញរហូតមកដល់ពេលនេះ BIDC មានសាខាចំនួន ៨ នៅតំបន់សេដ្ឋកិច្ចសំខាន់ៗនៃប្រទេសកម្ពុជា និងវៀតណាមដោយបំពាក់នូវប្រពន្ធ័បច្ចេកវិទ្យាធនាគារទំនើបទាន់សម័យ។ ធនាគារ BIDCជាធនាគារដែលមានហិរញ្ញវត្ថុរឹងមាំ តែងតែគោរពតាមសមាមាត្រសុវត្ថិភាពស្របតាមការកំណត់របស់អន្តរជាតិនិងបទបញ្ញត្តិទំាងឡាយរបស់ធនាគារជាតិនៃកម្ពុជា (NBC)។
-ព័ត៌មានលម្អិតសូមទាក់ទង ធនាគារ វិនិយោគ និងអភិវឌ្ឍកម្ពុជា ភីអិលស៊ី -អាសយដ្ឋាន៖ លេខ ៣៧០ មហាវិថីព្រះមុនីវង្ស ខណ្ឌចំការមន រាជធានីភ្នំពេញ -លេខទូរសព្ទ៖ + 855978099969 -Email : vannarong.m@bidc.com.kh
អត្ថបទ៖ ពាណិជ្ជកម្ម