ឪពុកពកូនស្រីដើរលក់ប៊ិច រៃអង្គាសប្រាក់បានជាង១៥ម៉ឺនដុល្លារ
- 2015-08-31 17:40:24
- ចំនួនមតិ 0 | ចំនួនចែករំលែក 0
ឪពុកពកូនស្រីដើរលក់ប៊ិច រៃអង្គាសប្រាក់បានជាង១៥ម៉ឺនដុល្លារ
ចន្លោះមិនឃើញ
រូបភាពមួយចំនួនបង្ហាញពីឪពុកជនជាតិប៉ាឡេស្ទីនពកូនស្រី ដើរលក់ប៊ិចយកប្រាក់ចិញ្ចឹមជីវិត បានធ្វើឲ្យមនុស្សជាច្រើនរំជួលចិត្តយ៉ាងខ្លាំង។ ដោយសារក្ដីអាណិត បុរសម្នាក់បានជួយរៃអង្គាសប្រាក់ឲ្យឪពុកដ៏កម្សត់តាមអនឡាញបានជាង ១៥ម៉ឺនដុល្លារ គិតត្រឹមថ្ងៃចន្ទនេះ។
ឪពុកដ៏កម្សត់នៅក្នុងរូបមានឈ្មោះ Abdul ត្រូវបង្ខំភៀសខ្លួនចេញពីជំរំ Yarmouk ក្នុងប្រទេសស៊ីរី ដោយសារការលុកលុយពីក្រុមរដ្ឋឥស្លាមជ្រុលនិយម ISIS។ Abdul មានកូនពីរនាក់ក្នុងបន្ទុក ហើយលោកតែងដើរលក់ប៊ិចនៅតាមផ្លូវក្នុងប្រទេសលីបង់ ដើម្បីរកប្រាក់ចិញ្ចឹមជីវិត។
កាលពីប៉ុន្មានថ្ងៃមុន លោក Gissur Simonarson ជាស្ថាបនិកនៃសារព័ត៌មាន Conflict News បានបង្ហោះរូបភាពតាមវិបសាយមួយ ដើម្បីរៃអង្គាសប្រាកជួយឪពុកជនជាតិប៉ាឡេស្ទីន។ លោកសង្ឃឹមថាអាចរៃអង្គាសប្រាក់បាន ៥ពាន់ដុល្លារ ប៉ុន្តែអ្វីដែលមិននឹកស្មានដល់ គឺទឹកប្រាក់កើនឡើងយ៉ាងឆាប់រហ័ស។
គិតមកត្រឹមពេលនេះ វិបសាយដែល Simonarson បង្ហោះរូបភាព អាចរៃអង្គាសប្រាក់បាន ១៥២ ៥១៣ដុល្លារ ខណៈទឹកប្រាក់កើនឡើងរៀងរាល់នាទី។ លោក Abdul បានបញ្ជាក់ថា ពេលបានប្រាក់ទាំងនេះ លោកនឹងយកទៅជួយជនជាតិស៊ីរីផ្សេងទៀត ដែលរត់ភៀសខ្លួនចូលក្នុងប្រទេសលីបង់ និងបញ្ជូនកូនស្រីឲ្យទៅរៀននៅសាលា៕
ចុចអាន៖ រឿងពិតពីក្រោយរូបថតឪពុកពកូនយំ ឆក់យកបេះដូងមនុស្សទូទាំងពិភពលោក
ចុចអាន៖ មួយសន្លឹកខ្លោចចិត្ត! ក្មេងអនាថាធ្វើកិច្ចការសាលាក្រោមពន្លឺភ្លើងភោជនីយដ្ឋានចុចអាន៖ ម្ចាស់ភោជនីយដ្ឋានវាយក្មេងប្រុសលក់ក្រដាសជូតមាត់ល្បីដល់នាយករដ្ឋមន្ត្រីទួរគី
ចុចអាន៖ ភ្លើងសង្គ្រាមនៅស៊ីរី ធ្វើឲ្យក្មេងតូចម្នាក់ខ្លាចកាមេរ៉ាព្រោះគិតថាជាកាំភ្លើង
ប្រែសម្រួល៖ គង់ វិសាល ប្រភព៖ indiegogo