ផ្ទុះជម្លោះរវាង Nicki និង Miley លើឆាកពានរង្វាន់ MTV VMAs
- 2015-08-31 18:41:55
- ចំនួនមតិ 0 | ចំនួនចែករំលែក 0
ផ្ទុះជម្លោះរវាង Nicki និង Miley លើឆាកពានរង្វាន់ MTV VMAs
ចន្លោះមិនឃើញ
កំឡុងពេលឡើងទទួលពានរង្វាន់សម្រាប់វីដេអូ Hip-Hop ល្អជាងគេប្រចាំឆ្នាំ នៅក្នុងកម្មវិធី MTV Video Music Awards នៅយប់ថ្ងៃអាទិត្យមុននេះ តារាចម្រៀងរ៉េប Nicki Minaj បានសួរទៅកាន់ពិធីកររបស់កម្មវិធី គឺតារាចម្រៀង Miley Cirus ពីរឿងបទសម្ភាសន៍របស់ Miley ជាមួយទស្សនាវដ្ដី New York Times កាលពីសប្ដាហ៍មុន។
Nicki បាននិយាយថា "ដឹងទេថាខ្ញុំចង់អរគុណអ្នកណាជាងគេ? គឺលោកឪរបស់ខ្ញុំ។ ខ្ញុំស្រលាញ់លោកខ្លាំងណាស់។ ហើយងាកមកនិយាយពីស្រីអាក្រក់ម្នាក់នេះដែលមានរឿងជាច្រើននិយាយពីខ្ញុំនៅលើសារព័ត៌មាន។ Miley នាងធ្វើចឹងដើម្បីអ្វី"?
នៅក្នុងបទសម្ភាសន៍នោះ Miley បាននិយាយថាសម្ដីរបស់ Nicki គឺមិនល្អនិងមិនសមរម្យ។
ដោយមិនបានត្រៀមខ្លួនជាមួយនឹងការវាយប្រហាររបស់ Nicki ពិធីកររួបនេះមានភាពស្ទាក់ស្ទើររួចឆ្លើយថា "យើងនៅក្នុងពិភពសិល្បៈជាមួយគ្នា។ យើងតែងតែផ្ដល់បទសម្ភាសន៍។ យើងដឹងថាអ្នកកាសែតបានកែសម្រួលវាយ៉ាងណា"។
មតិមួយចំនួនបានគិតថាជម្លោះមួយនេះគឺជាប្រឌិតឡើងដើម្បីឲ្យកម្មវិធីទាក់ទាញចំណាប់អារម្មណ៍។ យ៉ាងណាមិញប្រភពជិតស្និទ្ធជាមួយ MTV បានប្រាប់ទៅកាន់ គេហទំព័រ Entertainment Weekly ថារឿងនេះមិនបានមានការគ្រោងទុកមុននោះទេ។
ត្បិតតែមានជម្លោះជាមួយ Miley Cyrus ប៉ុន្តែក្នុងកម្មវិធីពានរង្វាន់ MTV ដដែលនេះ Nicki បានបញ្ចប់ជម្លោះនិងមន្ទិលសង្ស័យជាមួយ តារាចម្រៀង Taylor Swift ជាផ្លូវការ តាមរយៈចាប់ដៃគូសម្ដែងរួមគ្នាលើកដំបូងលើឆាកតន្ត្រីនេះ ៕
ចុចអាន៖រូបក្រមួន Nicki Minaj សំបូរភ្ញៀវមកថតរូបមិនសមរម្យ សារមន្ទីរចាត់វិធានការ
ប្រែសម្រួល៖ សុវណ្ណផៃ ប្រភព៖ yahoo