ប្រភពនៅអេស្ប៉ាញថា Real ទិញបាន De Gea ហើយ កំពុងពិនិត្យសុខភាព
- 2015-08-31 21:45:09
- ចំនួនមតិ 0 | ចំនួនចែករំលែក 0
ប្រភពនៅអេស្ប៉ាញថា Real ទិញបាន De Gea ហើយ កំពុងពិនិត្យសុខភាព
ចន្លោះមិនឃើញ
ប្រភពជិតស្និទ្ធនឹងក្លិប Real Madrid នៅអេស្ប៉ាញបានបង្ហើបឱ្យដឹងថាអ្នកចាំទី David de Gea កំពុងតែពិនិត្យសុខភាពនៅមន្ទីរពេទ្យរបស់ក្លិបអធិរាជស ហើយការប្រកាសជាផ្លូវការនឹងធ្វើឡើងនៅប៉ុន្មានម៉ោងខាងមុខនេះ។
រឿង De Gea ផ្លាស់ទៅ Real Madrid នេះមិនត្រឹមតែប្រភពនៅអេស្ប៉ាញទេដែលចុះផ្សាយ សូម្បីតែនៅអង់គ្លេសក៏បាននិយាយដែរថាអ្នកចាំទីរបស់ Manchester United រូបនេះបានទៅអេស្ប៉ាញបាត់ទៅហើយ ដោយរង់ចាំតែពិនិត្យសុខភាពទៀតប៉ុណ្ណោះ នឹងអាចបង្ហាញជាផ្លូវការហើយ។ តែទោះជាយ៉ាងណាក្ដី ចំពោះរឿងតម្លៃខ្លួ ននិងកុងត្រាវិញមិនទាន់មានខាងណាបង្ហើបឱ្យដឹងនោះទេ តែតាមការស្មានអាចប្រហែលជា២៩លានផោន។
ចំពោះការចាកចេញរបស់អ្នកចាំទីសញ្ជាតិអេស្ប៉ាញខាងលើនេះដែរ Man Utd ក៏បានត្រៀមទិញអ្នកចាំទីថ្មីម្នាក់វិញដែរគឺ Jasper Cillessen របស់ក្លិប Ajax ប៉ុន្តែមិនទាន់ច្បាស់ទេថាបានឬអត់។ ដោយឡែករឿងខ្សែប្រយុទ្ធវិញ បិសាចក្រហមចង់បាន Gareth Bale ខ្លាំងពីអធិរាជស តែប្រហែលជាមិនអាចនោះទេ ព្រោះលោក Rafael Benitez មិនមានចិត្តចង់លក់ខ្សែបម្រើស្លាបរបស់វែលម្នាក់នេះឡើយ។
Jasper Cillessen របស់ក្លិប Ajax
សូមបញ្ជាក់ថាការដោះដូរកីឡាករនៅតំបន់អឺរ៉ុបនៅសល់ពេលតែ១ថ្ងៃទៀតប៉ុណ្ណោះនឹងត្រូវបិទជាស្ថាពរហើយ។ ចាំមើល ថ្ងៃស្អែកក្លិបធំៗណាខ្លះអាចទិញកីឡាករដែលខ្លួនត្រូវការបាន?
ចុចអាន៖ កីឡាករថ្មី Man Utd ៣នាក់ បង្ហាញពីអារម្មណ៍ ក្រោយឃើញលទ្ធផលចាប់ឆ្នោត UCL
ប្រែសម្រួល៖ មុន្នី រម្យ ប្រភព៖ independent