ទាំងចាស់ទាំងក្មេងចូលទស្សនារឿង "វាលពិឃាដ វេជ្ជបណ្ឌិត ហាំង សំណាងង៉ោ" ថ្ងៃបញ្ចាំងចុងក្រោយ

2015-08-31 21:56:51
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សម្នាចាស់ក្មេងជាច្រើន រួមទាំងជនបរទេសផងនោះ បានទៅចូលរួមទស្សនារឿង "វាលពិឃាដ វេជ្ជបណ្ឌិត ហ៊ាំង សំណាងង៉ោ" សម្រាប់ការចាក់បញ្ចាំងថ្ងៃចុងក្រោយ ធ្វើឡើងនៅរោងភាពយន្ត Major Cineplex by Cellcard កាលពីចុងសប្ដាហ៍កន្លងទៅនេះ។

ផលិតករ លោក Arthur Dong បានបញ្ជាក់ថា ភាពយន្តនេះបានចរាចរចាក់បញ្ចាំងនៅប្រទេសកម្ពុជា នៅតាមបណ្ដាខេត្តរយៈពេល ១ សប្ដាហ៍កន្លងមកហើយ និងមានប្រជាពលរដ្ឋចូលរួមទស្សនាជាច្រើន ហើយត្រឡប់មករោងភាពយន្តខាងលើម្ដងទៀត។

លោកបញ្ជាក់ថា តាមពិតទៅភាពយន្តនេះ ត្រូវបានផលិតឡើងជាភាសាអង់គ្លេស និងបានសម្ពោធចាក់បញ្ចាំងកាលពីថ្ងៃ ២១ ខែសីហា ២០១៥ នៅរោងភាពយន្ត Platinum Cineplex by Cellcard ។ នៅចុងសប្ដាហ៍កន្លងទៅនេះរឿង "វាលពិឃាដ វេជ្ជបណ្ឌិត ហ៊ាំង សំណាងង៉ោ" ត្រូវបានចាក់បញ្ចាំងជាភាសាខ្មែរដោយមានការផលិតឡើងពីមជ្ឈមណ្ឌល បុប្ផាណា។ លោក Arthur Dong បញ្ជាក់ថា មានអារម្មណ៍សប្បាយរីករាយ ដែលបាននាំយកភាពយន្តនេះមកចាក់បញ្ចាំងនៅប្រទេសកម្ពុជា។

រឿង "វាលពិឃាដ វេជ្ជបណ្ឌិត ហ៊ាំង សំណាងង៉ោ" ជាខ្សែភាពយន្ត ដែលនិយាយពីបរិបថជីវិតនៅក្នុងសម័យខ្មែរក្រហម។ ជាខ្សែភាពយន្តមួយបង្ហាញពីសេចក្ដីស្នេហា ការបាត់បង់ និងការផ្សះផ្សា។ សម័យកាលដ៏ជូរចត់បានដិតដាមក្នុងកែវភ្នែករបស់វេជ្ជបណ្ឌិត ហាំង សំណាងង៉ោ បន្ទាប់ពីលោកបានភៀសខ្លួនទៅកាន់សហរដ្ឋអាមេរិក។ រឿងក៏បានឈ្នះពានរង្វាន់អូស្ការ និងត្រូវបានទទួលស្គាល់ជាទូតនាំសារ នៃការស្វែងរកការពិត និងយុត្តិធម៌នៅប្រទេសកំណើតរបស់លោក៕