ហេតុផលនៅពីក្រោយU-19 កម្ពុជាបរាជ័យក្រោមថ្វីជើងថៃ ៦-០ យប់មិញ

2015-08-31 23:26:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិកម្ពុជាអាយុក្រោម ១៩ឆ្នាំ(U-19)បានទទួលរង់បរាជ័យយ៉ាងចាស់ដោយក្រោមថ្វីជើងក្រុមខ្លាំងថៃដោយលទ្ធផល ៦-០ កាលពីម្សិលមិញដែលបណ្តាលឲ្យកម្ពុជាធ្លាក់ពីពាន 2015 AFF U-19 Championship ទាំងសោកស្តាយបំផុតនៅវគ្គជម្រុះតាមពូលនៅនៅទីក្រុងវៀងចន្ទន៍ ប្រទេសឡាវ។ តើហេតុអ្វីបានជាកម្ពុជាចាញ់ច្រើនគ្រាប់យ៉ាងនេះ?

បន្ទាប់ពីវិលត្រឡប់មកដល់ប្រទេសកំណើតកាលពីវេលាម៉ោងជាង១រសៀលថ្ងៃនេះ លោក រិទ្ធិ ឌីកា អ្នកចាត់ការក្រុមជម្រើសជាតិកម្ពុជាអាយុក្រោម១៩ឆ្នាំបានឲ្យដឹងថា បន្ទាប់ពីថៃនាំមុខ ១-០ ក្រុមកម្ពុជាត្រូវការមួយគ្រាប់វិញដើម្បីតាមស្មើ និងមានសង្ឃឹមទៅវគ្គបន្ត ដូច្នេះក្រុមត្រូវផ្លាស់ប្ដូររបៀបលេងក្នុងគោលបំណងបង្កើនការប្រយុទ្ធ ប៉ុន្តែការប្រយុទ្ធរបស់កម្ពុជាលើក្រុមខ្លាំងដូចជាថៃ ពិតជាគ្មានប្រសិទ្ធភាពឡើយ។ មិនត្រឹមតែមិនអាចរកគ្រាប់បាល់តាមស្មើប៉ុណ្ណោះទេ ប៉ុន្តែបែរជាបណ្ដាលឲ្យ U-19 ថៃទម្លាយសំណាញ់ទីបន្ថែម៥គ្រាប់ទៀត។

ចង់ដឹងថាលោកនិយាយអ្វីខ្លះនោះសូមមើលវីដេអូខាងក្រោម៖

ក្រុមU-19 កម្ពុជាឆ្លងកាត់ការប្រកួត៤លើកកន្លងមក ឈ្នះ២ ស្មើ១ និងចាញ់១ដូចក្រុមម្ចាស់ផ្ទះឡាវដែលមាន៧ពិន្ទុដូចគ្នា ប៉ុន្តែឡាវមានគ្រាប់បាល់ចំណេញច្រើនជាងដោយសារឡាវចាញ់ថៃតែ២-១ ខណៈកម្ពុជាចាញ់ថៃរហូតដល់៦-០ សម្រាប់ការប្រកួតបញ្ចប់ពូល A កាលពីយប់ថ្ងៃទី៣០ ខែសីហា ឆ្នាំ២០១៥៕

អត្ថបទ៖ ស្រី សុវណ្ណដារ៉ា