ហេង មហាសាល អាផាតមិន កន្លែងស្នាក់នៅ និងធ្វើការដ៏មានផាសុកភាព

2015-09-02 16:00:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថិតនៅខាងត្បូងរង្វង់មូលផ្សារដើមថ្កូវប្រហែល ២០០ ម៉ែត្រ បត់ឆ្វេងប្រហែលមួយរយម៉ែត្រ អ្នកនឹងឃើញអគារ អាផាតមិន ដ៏ខ្ពស់មួយសាងសង់ក្រោមរចនាបថសម័យទំនើបទាក់ភ្នែកគឺ ហេង មហាសាល អាផាតមិន។ នៅទីនោះ បរិស្ថានជុំវិញហាក់មិនមមាញឹកខ្លាំងដូចតំបន់ផ្សេងទៀត ដែលនេះបង្កលក្ខណៈអំណោយផលសម្រាប់អ្នកដែលចង់ស្វែងរកកន្លែងស្នាក់នៅជាលក្ខណៈគ្រួសារ ឬការិយាល័យសម្រាប់ធ្វើការ។

គ្រាន់តែចូលដល់ខាងក្នុងបរិវេណខាងក្នុងភ្លាម អ្នកហាក់មានអារម្មណ៍ថា កក់ក្ដៅ និងជាប់ចិត្តចំពោះការរចនាម៉ូដដ៏ស្រស់ស្អាតតាមបែបបទសម័យថ្មីរួចទៅហើយ។ នៅជាន់ផ្ទាល់ដីមានបរិវេណធំទូលាយងាយស្រួលចតរថយន្ត និង ម៉ូតូដោយមានសន្តិសុខចាំយាមកាម ២៤ ម៉ោងផង។

ដើម្បីបង្កភាពងាយស្រួលនៅចំកណ្ដាលអគារមានបំពាក់ជណ្ដើរយោងឲ្យភ្ញៀវអាចចុចចូលទៅកាន់ជាន់ដែលខ្លួនស្នាក់នៅកាន់តែរហ័ស។ នៅក្នុងបន្ទប់ដ៏ត្រជាក់ល្ហឹមនៃចំហាយម៉ាស៊ីនត្រជាក់ប្រកបដោយផាសុកភាព មានសម្ភារៈបំពាក់ស្រាប់មួយចំនួនដូចជា បន្ទប់គេង បន្ទប់ទឹក និងផ្ទះបាយដែលមានចង្ក្រានហ្គាស៍ ទូទឹកកក ទូដាក់ចានឆ្នាំង និងកន្លែងលាងចាន។ ហេតុដូចនេះ បើអ្នកជួលស្នាក់នៅ អ្វីដែលអ្នកត្រូវការបន្ថែមគឺគ្រាន់ជាការតុបតែងបន្តិចបន្តួចទៅតាមចំណង់ចំណូលចិត្តអ្នកជាការស្រេច។

ហេង មហាសាល អាផាតមិន មានបន្ទប់គ្រែមួយ និងគ្រែពីរទំហំពី ៨០,៥ ដល់ ១១៤ ម៉ែត្រការ៉េសម្រាប់ឲ្យលោកអ្នកជួលក្នុងតម្លៃពី ៨០០ ដល់ ១៣០០ ដុល្លារក្នុងមួយខែទៅតាមការចង់បាន។ អ្វីដែលពិសេសនោះគឺ ក្នុងកញ្ចប់ប្រចាំខែនេះមានបូកបញ្ចូលសេវាកម្មមួយចំនួនរួចជាស្រេចដូចជា អ៊ីនធឺណិត សន្តិសុខ ការសម្អាត ៤ ដងក្នុងមួយខែ ស្ទីម សូណា អាងហែលទឹក និងហាត់ប្រាណមួយកំប្លេ។ ក្រៅពីជួលជាខែក៏អាចជួលបន្ទប់ស្នាក់នៅក្នុងមួយថ្ងៃៗដែរ។

ក្រៅពីកន្លែងស្នាក់នៅជាលក្ខណៈឯកជន និងគ្រួសារ អគារដ៏ធំនេះក៏មានអគារការិយាល័យធំទូលាយមានបួនបន្ទប់ក្នុងអគារនីមួយៗសម្រាប់ឲ្យគ្រឹះស្ថានដែលចង់បានកន្លែងធ្វើការស្រស់ស្អាត និងស្ងប់ស្ងាត់ចាប់អារម្មណ៍ជួលបានក្នុងតម្លៃចាប់ពី ១០០០ ដល់ ១២០០ ដុល្លារក្នុងមួយខែ។

បើធុញថប់មិនដឹងទៅណា លោកអ្នកអាចចូលទៅកាន់បន្ទប់ហាត់ប្រាណ អង្គុយញ៉ាំកាហ្វេជជែកគ្នាលេងជាមួយអ្នករស់នៅរួមអាផាតមិននៅហាងកាហ្វេជាន់ផ្ទាល់ដី ឬឡើងទៅជាន់លើបង្អស់ដើម្បីហែលទឹកលេង ស្ទីម សូណា និងមើលទេសភាពស្រស់ស្អាតនៃទីក្រុងភ្នំពេញ ៣៦០ ដឺក្រេ។ សូមបញ្ជាក់ថា នៅកន្លែងអាងហែលទឹកជាន់ខាងលើមានបើកឲ្យមហាជនជួលប្រារព្ធខួបកំណើត ពិធីជប់លៀង និងកម្មវិធីកម្សាន្តសប្បាយនានាដោយគ្រាន់តែចំណាយទៅលើថ្លៃអាហារ លោកអ្នកនឹងទទួលបានកន្លែងប្រារព្ធពិធីនៅក្បែរអាងហែលទឹកដោយឥតគិតថ្លៃ។ លោកអ្នកអាចទាក់ទងទៅកាន់អ្នកគ្រប់គ្រងមុនដើម្បីបញ្ជាក់ពីចំនួនមនុស្ស និងពិភាក្សាលើតម្លៃ។

បើក្រឡេកមើលទីតាំងជុំវិញ ហេង មហាសាល អាផាតមិន ស្ថិតនៅជិតសាលារៀនអន្តរជាតិ មណ្ឌលកម្សាន្ត ធនាគារ ជាពិសេសគឺអ្នកចំណាយពេលមិនដល់ ៥ នាទីដោយម៉ូតូ ឬរថយន្តនឹងអាចទៅដល់ផ្សារទួលទំពូងដែលជាកន្លែងដើរទិញទំនិញដ៏ពេញនិយមទាំងភ្ញៀវក្នុងស្រុក និងបរទេស។

ហេង មហាសាល អាផាតមិន ស្ថិតនៅផ្ទះលេខ ២៧បេ ផ្លូវ ៤៩៦ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។ លេខទូរសព្ទទំនាក់ទំនង ០៨៦ ៥៥៥ ៥៥០, ទំព័រ Facebook និង គណនី Facebook៕