Busquets៖ បាល់ទាត់ល្អជាងសិច
- 2015-09-02 17:07:30
- ចំនួនមតិ 0 | ចំនួនចែករំលែក 0
Busquets៖ បាល់ទាត់ល្អជាងសិច
ចន្លោះមិនឃើញ
ខ្សែបម្រើ Sergio Busquets របស់ក្លិប FC Barcelona បាននិយាយបែបកំប្លែងនៅក្នុងសន្និសីទសារព័ត៌មានមួយថា "បាល់ទាត់គឺល្អជាងសិច" ព្រោះភាពរីករាយពីកីឡាបាល់ទាត់ អាចមានរយៈពេលប៉ុន្មានថ្ងៃ ប៉ុន្តែភាពរីករាយនៅលើគ្រែអាចមានត្រឹមតែ១នាទីប៉ុណ្ណោះ។
កីឡាករដែលលេងនៅកីឡដ្ឋាន Camp Nou តាំងពីឈុតយុវជនរូបនេះ ធ្លាប់ឈ្នះពានជាច្រើនជាមួយក្រុមអ្នកមានបុណ្យដូចជា La Liga ៥ដង, UEFA Champions League ៣ដង, Copa del Ray ៣ដង, Spanish Super Cup ៤ដង, UEFA Super Cup ៣ដង និង FIFA Club World Cup ២ដងផងដែរ។
ខ្សែបម្រើជម្រើសជាតិអេស្ប៉ាញ វ័យ២៧ឆ្នាំយល់ថា ភាពរីករាយនៅវិស័យកីឡាបាល់ទាត់ គឺមានភាពយូរអង្វែងជាងការបង្កាត់ភ្លើងស្នេហាដ៏រោលរាលនៅលើគ្រែជាមួយគូស្នេហ៍ ដោយរូបគេបានប្រាប់ដល់ Spanish TV ថា៖ "សម្រាប់បាល់ទាត់ ភាពរីករាយអាចមានរយៈពេលពី៣ឬ៤ថ្ងៃ ប៉ុន្តែផ្ទុយទៅវិញសម្រាប់សិច ភាពរីករាយអាចមានត្រឹមតែ១នាទីប៉ុណ្ណោះ"។
Busquets បានបង្ហាញខ្លួន៤ប្រកួតហើយ សម្រាប់រដូវកាលថ្មី២០១៥/១៦ ចំនួន៥ប្រកួតកន្លងទៅនេះ សម្រាប់ក្រុម Barca ពោលគឺអវត្តមានតែ១ដងគត់ ពេលដែលអ្នកមានបុណ្យចាញ់ Athletic Bilbao ៤-០ កាលប្រកួតជើងទី១ នៃពានរង្វាន់ Spanish Super Cup៕
ចុះប្រិយមិត្តយល់ស្របតាម Busquets ដែរទេ?
-ចុចអាន៖ ដឹងថាបច្ចុប្បន្ន Messi ឈ្នះពានរង្វាន់ផ្ទាល់ខ្លួនធំៗ ប៉ុន្មានហើយទេ?
ប្រែសម្រួល៖ វិន ជីវ័ន្ត ប្រភព៖ goal