មិនទាន់ចេញជាផ្លូវការផង ឥលូវស្រាប់តែអាចកក់ iPhone 6s និង 6s Plus មាសបាន
- 2015-09-02 17:38:59
- ចំនួនមតិ 0 | ចំនួនចែករំលែក 0
មិនទាន់ចេញជាផ្លូវការផង ឥលូវស្រាប់តែអាចកក់ iPhone 6s និង 6s Plus មាសបាន
ចន្លោះមិនឃើញ
ខណៈពេលដែលទូរសព្ទ iPhone 6s និង 6s Plus មិនទាន់ដាក់បង្ហាញជាផ្លូវការនៅឡើយនោះ ស្រាប់តែមានក្រុមហ៊ុនមួយបានដាក់ឲ្យកក់ទូរសព្ទទាំងពីរម៉ូដែលនេះ ដែលមានស្រោបមាសបាត់ទៅហើយ។
ក្រុមហ៊ុន Goldgenie បានបើកឲ្យអតិថិជនធ្វើការកក់នូវទូរសព្ទ iPhone 6s និង 6s Plusដែលមានការរចនាសម្បកស្រោបដោយសារធាតុប្លាទីន មាស និងមាសពណ៌ស៊ីជម្ពូ ក្នុងតម្លៃចាប់ពី ៣៨០០ដុល្លារឡើងទៅ។ សម្បកដែលគេបានស្រោបមានប្រាំប្រភេទ គឺប្រភេទElite ប្រភេទ Swarovski Style Brilliance Elite ប្រភេទ Supernova ប្រភេទ Crocodile Embossed Leather & Swarovski Style Crystal Logo និង ប្រភេទ Diamond RockStar។
ប្រភេទ Elite ដែលស្រោបដោយសារធាតុប្លាទីន មាស និងមាសពណ៌ស៊ីជម្ពូ មានតម្លៃចាប់ពី ៣៨០០ដុល្លារឡើងទៅ។ សម្រាប់ប្រភេទ Swarovski Style Brilliance Elite មានការបន្ថែមត្បូង Swarovski នៅផ្នែកខាងលើ ខាងក្រោមនៃផ្ទៃខាងក្រោយ និងគែមជុំវិញ មានតម្លៃចាប់ពី ៣៨០០ដុល្លារឡើងទៅ។ ប្រភេទ Supernova មានការរចនាត្បូង Swarovski គ្រប់ផ្នែកនៃទូរសព្ទមានតម្លៃចាប់ពី ៥០០០ដុល្លារឡើងទៅ។ ចំណែកប្រភេទ Crocodile Embossed Leather & Swarovski Style Crystal Logo គឺមានរចនាសម្បកខាងក្រោយដោយស្បែកក្រពើមានតម្លៃចាប់ពី ៣៨០០ដុល្លារឡើងទៅ។ ចុងក្រោយប្រភេទDiamond RockStar មានការរចនាដោយបន្ថែមនូវគ្រាប់ពេជ្រត្រង់ Logo និងគែមជុំវិញមានតម្លៃប្រមាណ១៥៣០០ដុល្លារ។
ប្រភេទ Supernova
ប្រភេទ RockStar
ប្រភេទស្រោបស្បែកក្រពើ Crocodile
-ចុចអាន៖ ឡានតម្លៃ៤,៨លានដុល្លាររបស់ Floyd មានអ្វីពិសេស?
ប្រែសម្រួល៖ ហៃ សុខហេង ប្រភព៖ gsmarena