កម្មវិធី Phnom Penh Designers Week នឹងធ្វើឡើងថ្ងៃទី២៤-២៦ ខែកញ្ញានៅសណ្ឋាគារ Plantation
- 2015-09-04 20:23:37
- ចំនួនមតិ 0 | ចំនួនចែករំលែក 0
កម្មវិធី Phnom Penh Designers Week នឹងធ្វើឡើងថ្ងៃទី២៤-២៦ ខែកញ្ញានៅសណ្ឋាគារ Plantation
ចន្លោះមិនឃើញ
កម្មវិធី Phnom Penh Designers Week សម្រាប់ឆ្នាំ ២០១៥ នឹងត្រូវរៀបចំឡើងនៅថ្ងៃទី២៤ ដល់ថ្ងៃទី ២៦ ខែកញ្ញា នៅសណ្ឋាគារ Plantation ហើយបន្តរៀបចំការតាំងលក់ម៉ូដសំលៀកបំពាក់បង្ហាញម៉ូដ នៅហាងកាហ្វេ Sisco នាថ្ងៃទី ២៧ ខែកញ្ញា។
កម្មវិធីនេះនឹងក្លាយជាព្រឹត្តិការណ៍ហ្វេស្សិន (Fashion) លើកទីប្រាំ ដែលរៀបចំឡើងដោយទស្សនាវដ្ដី Fashion Lab ដោយចម្រាញ់យកអ្នកច្នៃម៉ូដចំណានៗ ដែលពោរពេញដោយសិល្បៈក្នុងការច្នៃម៉ូដ បង្កប់នូវលក្ខណៈខុសប្លែកពីគេ អមដោយកត្តាជម្រុញចិត្តផ្សេងៗគ្នានិងមានបំណងបង្ហាញនូវទស្សនៈថ្មីៗផងដែរ។ ជានិច្ចកាល Fashion Lab តែងតែជាអ្នកនាំមុខគេក្នុងវិស័យហ្វេស្សិន និងបន្តនាំមកនូវម៉ូដទាន់សម័យសម្រាប់ប្រទេសកម្ពុជា។
ការរៀបចំកម្មវិធីលើកនេះនឹងដើរតាមទស្សនៈ «ភាពខុសប្លែកពីគេ» ដែលជាការជំរុញឱ្យអ្នកច្នៃម៉ូដទាំងនោះរៀបចំនូវស្ទីលនិងសិល្បៈច្នៃម៉ូដទៅតាមទម្រង់នៃការបកប្រែថ្មីមួយ។ ក្នុងនោះ អ្នកច្នៃម៉ូដដែលនឹងចូលរួមបង្ហាញស្នាដៃមានដូចជា A.N.D., Hello Hello, Kool As U, Two Wonders, Don Protasio, Waterlily, Established, JuliHandayani, PlanB1, និង Bobo៕
អត្ថបទ៖ ដៃគូសហការ