G-Dragonសហការជាមួយអ្នកច្នៃម៉ូដអ៊ីតាលីផលិតនិងលក់ស្បែកជើងរួមគ្នា
- 2015-09-04 22:01:04
- ចំនួនមតិ 0 | ចំនួនចែករំលែក 0
G-Dragonសហការជាមួយអ្នកច្នៃម៉ូដអ៊ីតាលីផលិតនិងលក់ស្បែកជើងរួមគ្នា
ចន្លោះមិនឃើញ
កំពូលអ្នកច្នៃម៉ូដសញ្ជាតិអ៊ីតាលី Giuseppe Zanotti បានចេញមកប្រកាសថា លោកនិង G-Dragon សមាជិកក្រុម BIGBANG បានសហការគ្នាក្នុងការផលិតនិងលក់ស្បែកជើងជាមួយគ្នា។
យោងតាមវិបសាយ koreaboo លោក Giuseppe Zanottiបានចាប់ដៃធ្វើការជាមួយ G-Dragon ដើម្បីបង្កើតនិងលក់ផលិតផលម៉ូដស្បែកជើងចម្រុះទាំងបុរសនិងនារី ដោយអ្នកច្នៃម៉ូដជើងចាស់រូបនេះបាននិយាយថា៖"ខ្ញុំធ្លាប់ធ្វើការជាច្រើនជាមួយតារានៅជុំវិញពិភពលោក ហើយការសហការជាមួយ G-Dragon គឺជាអ្វីដែលពួកយើងចង់ធ្វើ ព្រោះពេលបច្ចុប្បន្នគេគឺជាតារាលេចធ្លោទាំងនៅកូរ៉េនិងតំបន់អាស៊ី។
អ្នកច្នៃម៉ូដវ័យ៥៨ឆ្នាំបានបន្តថា៖ "GD គឺជាតារាដែលមានស្ទីលផ្ទាល់ខ្លួនក្នុងតន្ត្រី។ ខ្ញុំគិតថា វាជារឿងគួរឲ្យចាប់អារម្មណ៍ ហើយការសហការរបស់ពូកយើងមានន័យថា គឺជាការប្រកួតប្រជែងដ៏រំភើបមួយសម្រាប់ខ្ញុំ។ ខ្ញុំពេញចិត្តធ្វើការជាមួយតារាដ៏ទៃ និងផ្ដល់គំនិតនៃការច្នៃប្រឌិត។
ទន្ទឹមនឹងនេះដែរតារារ៉េបក្នុងក្រុម BIGBANG បាននិយាយអំពីការច្នៃស្បែកជើង និងការរំពឹងទុករបស់ខ្លួនថា៖ "មិនមែនមានតែក្មេងស្រី ឬស្ត្រីទេដែលអាចទទួលបានស្បែកជើងដ៏ស្រស់ស្អាតចេញពីការសហការរបស់ខ្ញុំ។ បុរសក៏មានឱកាសពាក់វាផងដែរ ហើយខ្ញុំគិតថាទាំងនារីនិងបុរសនិងមានអារម្មណ៍សប្បាយចិត្តពេលដែលស្បែកជើងទាំងនោះចេញ។
ស្បែកជើងដែលពួកគេសហការផលិតនេះ នឹងមានលក់តាមអនឡាញ និងហាងរបស់លោក Giuseppe Zanotti នៅខែតុលាខាងមុខ ក្នុងតម្លៃចាប់ពី ៦០០ដុល្លារ ដល់៨០០ដុល្លារអាមេរិក ៕
ចុចអាន៖ស្ទីលស្លៀកពាក់កាលីបប្លែកៗរបស់ G-Dragon ពេលឡើងយន្តហោះ
ប្រែសម្រួល៖ ហេង សុធារិទ្ធិ ប្រភព៖ koreaboo