ដឹង PeyPey Dy រកលុយបានពី Page ក្នុង១ ខែប៉ុន្មានអត់?
- 2015-09-22 13:11:38
- ចំនួនមតិ 0 | ចំនួនចែករំលែក 0
ដឹង PeyPey Dy រកលុយបានពី Page ក្នុង១ ខែប៉ុន្មានអត់?
ចន្លោះមិនឃើញ
"កាលពីមុនខ្ញុំផុសឲ្យគេ១ក្រុមហ៊ុនខ្ញុំយក ២០០ដុល្លារអីទេ តែឥលូវខ្ញុំ ផុសឲ្យក្រុមហ៊ុន១ផ្ដាច់មុខតែខ្ញុំយកពីគេ ១ពាន់ដុល្លារក្នុង១ខែ" នេះជាការលើកឡើង របស់តារាសម្ដែង Peypey Dy ម្ចាស់ Page Peypey Dy ។
បច្ចុប្បន្ន Pages Peypey Dy មានចំនួនអ្នក Like ជាង៥៥ម៉ឺននាក់ហើយ ដែលចំនួននេះជាចំនួនលំដាប់ជួរមុខ ក្នុងចំណោម Page ធំៗដែលមាននៅក្នុងប្រទេសកម្ពុជា។ Peypey Dy បានប្រាប់ថា Page របស់ខ្លួនបានបង្កើតឡើងនៅ ខែ មីនា ឆ្នាំ ២០១៣ ដែលបង្កើតដោយមិត្តភ័ក្ដិរបស់ខ្លួនម្នាក់។ ដំបូងឡើយលោកគ្រាន់តែជាអ្នកលេង Facebook ធម្មតាម្នាក់ដែលចូលចិត្ត ធ្វើវីដេអូប្លែកៗបង្ហោះលេងតែប៉ុណ្ណោះ។
លោក បានបន្តថា ការបង្កើតដំបូង លោក មិននឹកស្មានថា ទទួលបានការគាំទ្រច្រើនបែបនេះទេ ប៉ុន្តែដោយសន្ទុះ Facebook មានអ្នកពេញនិយមច្រើន ចំនួនអ្នកចូល Like ក៏ចេះតែកើនឡើងយ៉ាងគំហុក។ តាមការបញ្ជាក់របស់ Peypey Dy គឺ Page មួយនេះ រូបគេ មិនបានចាយលុយដាក់ Ads តាមFacebook ទេ ដោយលោកគ្រាន់តែព្យាយាមធ្វើវីដេអូប្លែក រូបភាព និងផុស Status ដើម្បីឲ្យទទួលបានការចាប់អារម្មណ៍តែប៉ុណ្ណោះ។
តាមរយៈ Page នេះក្រៅពីជួយរកចំណូលប្រចាំខែ លោកក៏ត្រូវបានម្ចាស់ផលិតកម្មជាច្រើនចាប់អារម្មណ៍ ហើយមានឱកាសថត ខ្សែភាពយន្តបានជិត១០រឿងមកហើយ។ រឿងដែលលោកធ្លាប់ថតមានដូចជា “ព្រាយបាតបល្ល័ង្ក” "បេសកកម្មមរណៈ" “ភូមិគ្រឹះបិសាច” “ថាខូចខូចមែន” “ព្រលឹង Facebook” “មេខ្ញុំកប់សារី” និង រឿង “ប៉ុបពីទៅហូលីវូដ" ជាដើម។
ចង់ដឹងថា Peypey Dy មានវិធីសាស្ត្របែបណា ដើម្បីធ្វើឲ្យ Page របស់ខ្លួនទទួលបានគាំទ្រច្រើន ហើយអាចរកប្រាក់រហូតដល់ទៅ១ពាន់ដុល្លារ សូមទស្សនាវីដេអូខាងក្រោមទាំងអស់គ្នា៖
អត្ថបទ៖ ខុត សីហា