កីឡាករម្នាក់របស់ Dinamo Zagreb ប្រើសារធាតុញៀនពេលប៉ះ Arsenal
- 2015-10-08 20:53:52
- ចំនួនមតិ 0 | ចំនួនចែករំលែក 0
កីឡាករម្នាក់របស់ Dinamo Zagreb ប្រើសារធាតុញៀនពេលប៉ះ Arsenal
ចន្លោះមិនឃើញ
ខ្សែបម្រើ Dinamo Zagreb កីឡាករ Arijan Ademi ត្រូវគេរកឃើញមានប្រើសារធាតុញៀន ក្រោយក្រុម Dinamo Zagreb យកឈ្នះលើ Arsenal នៅ UEFA Champions League កាលពីពេលកន្លងទៅ។
Ademi បានលេងពេញ៩០នាទីក្នុងការប្រកួតដែល Dinamo Zagreb យកឈ្នះ Arsenal ២-១ កាលពីខែមុន។ សហព័ន្ធបាល់ទាត់ទ្វីបអឺរ៉ុប (UEFA) កំពុងចាប់ផ្ដើមដំណើរការនីតិវិធីថាតើគួរដាក់ពិន័យបែបណា ក្រោយរកឃើញថារូបគេប្រើសារធាតុញៀនបែបនេះ។
Arijan Ademi (ឆ្វេង) ពេលប្រកួតទល់នឹង Arsenal
ជុំវិញបញ្ហានេះដែរ ក្លិប Dinamo Zagreb បានឲ្យដឹងថា៖ "ពួកយើងមានការភ្ញាក់ផ្អើលនៅពេលដែល កីឡាករ Ademi ត្រូវគេពិនិត្យរកសារធាតុញៀន៦ដងហើយក្នុងឆ្នាំនេះ ហើយលទ្ធផលតែងតែអវិជ្ជមានជានិច្ច"។
“បើទោះជា Ademi ពេលនេះត្រូវរកឃើញពីការប្រើសារធាតុញៀនមែន យ៉ាងច្រើនកីឡាកររងការពិន័យមិនឲ្យលេង។ មិនមានច្បាប់ណាចែងថា ក្រុមដែលមានកីឡាករប្រើសារធាតុញៀន ត្រូវគេដក សិទ្ធចេញពីការប្រកួតនោះទេ លុះត្រាតែនៅក្នុងនោះមានកីឡាករ លើស ពី ២ ឬ ច្រើន លួចប្រើថ្នាំញៀន”។ ក្លិបមានមូលដ្ឋាននៅក្រូអាត បញ្ជាក់បន្ថែមដូច្នេះ៕
២ប្រកួតកន្លងមក ក្រុម Dinamo មាន៣ពិន្ទុ (ឈ្នះ១ ចាញ់១) ឈរលេខ៣ក្នុងពូល F លើក្រុមកាំភ្លើងធំ ដែលគ្មានពិន្ទុរាប់នៅបាតតារាង៕
ចុចអាន៖ ផ្ទះល្វែងនៅកីឡដ្ឋានចាស់ Arsenal ដាក់លក់ជាង១លានដុល្លារ
ប្រែសម្រួល៖ រុន វីរ៉ុត ប្រភព៖ bbc