Harry Kane ត្រូវក្មេងអាយុ៦ឆ្នាំបបួលលេងបាល់ជាមួយ
- 2015-10-08 22:10:13
- ចំនួនមតិ 0 | ចំនួនចែករំលែក 0
Harry Kane ត្រូវក្មេងអាយុ៦ឆ្នាំបបួលលេងបាល់ជាមួយ
ចន្លោះមិនឃើញ
ខ្សែប្រយុទ្ធជួរមុខក្រុម Tottenham Hotspur កីឡាករ Harry Kane បានទទួលការអញ្ជើញពីក្មេងប្រុសម្នាក់ឲ្យទៅលេងបាល់នៅផ្ទះរបស់គេ។
លិខិតអញ្ជើញសរសេរដោយដៃ ដាក់លើក្រដាសត្រូវ បានយកទៅប្រគល់ឲ្យ Kane ដោយផ្ទាល់ពីសំណាក់ក្មេងប្រុសម្នាក់ អាយុ៦ឆ្នាំ ឈ្មោះ Oscar។ នៅក្នុងលិខិតបានសរសេរថា៖ "ជូនចំពោះ Harry Kane! សូមអ្នកមកលេងបាល់ជាមួយខ្ញុំនៅផ្ទះ នៅថ្ងៃសុក្រម៉ោង៤ល្ងាច។ ដោយសេចក្ដីស្រលាញ់ពី Oscar។ អាសយដ្ឋានផ្ទះលេខ ៨០ ផ្លូវ Edgeby! ខ្ញុំស្រលាញ់ Spurs"។
ដោយឡែកកីឡាករ Kane វិញ បាន ឆ្លើយតបនឹងសំណើរបស់ Oscar តាមរយៈគណនី Twitter របស់ខ្លួនថា៖ "ពិតជាលិខិតដ៏មានអត្ថន័យមែន! ខ្ញុំនឹងសាកល្បងសួរគ្រូបង្វឹកលោក Roy Hodgson ដើម្បីសុំការអនុញ្ញាត ប៉ុន្តែខ្ញុំគិតថាគួរតែត្រូវទៅកីឡដ្ឋាន Wembley ហើយ! សូមក្មួយលេងបាល់ដោយរីករាយ"។
Harry Kane មានកាតព្វកិច្ចជាមួយក្រុមជម្រើសជាតិអង់គ្លេសក្នុងការប្រកួតជម្រុះពានរង្វាន់ទ្វីបអឺរ៉ុប Euro 2016 ថ្ងៃស្អែកនេះ ទល់នឹងក្រុមជម្រើសជាតិអេស្តូនី ខណៈដែលតោកំណាចអង់គ្លេសនឹងអវត្តមានខ្សែប្រយុទ្ធ Wayne Rooney ដោយសារបញ្ហារបួស៕
ប្រែសម្រួល៖ រុន វីរ៉ុត ប្រភព៖ dailymail