ចប់ការប្រកួត ជម្រើសជាតិឈ្នះភ្នំពេញក្រោន ៣-២

2015-10-09 01:02:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកីឡាបាល់ទាត់ជម្រើសជាតិកម្ពុជាបានយកឈ្នះក្រុមភ្នំពេញក្រោនដោយលទ្ធផល ៣-២ ក្នុងការប្រកួតកម្ដៅសាច់ដុំលើទីលានស្មៅធម្មជាតិ RSN មុនចេញទៅប្រទេសសិង្ហបុរី។

ក្រុមជម្រើសជាតិ

ការប្រកួតចែកចេញជាបីតង់ ដោយមួយតង់មាន ៣០នាទី។ គ្រាប់ទីមួយរកបានដោយខ្សែប្រយុទ្ធ កែវ សុខផេង នៅនាទីទី៣ ឯគ្រាប់ទី២ រកបានដោយកីឡាករវ័យក្មេង ចាន់ វឌ្ឍនាកា នៅនាទីទី២០។ ក្នុងតង់ទី២ ក្រុមទាំងសងខាងបានវាយសម្រុកគ្នាទៅវិញទៅមកដែរ ប៉ុន្តែរកគ្រាប់បាល់មិនបានឡើយ។

ក្នុងតង់ទី៣ ចូលដល់នាទីទី៦៧ កីឡាករ ធារី ចាន្ថាប៊ីន បន្ថែមមួយគ្រាប់ទៀតឲ្យជម្រើសជាតិនាំមុខ ៣-០ ប៉ុន្តែ ៤នាទីបន្ទាប់ កីឡាករសញ្ជាតិកូរ៉េខាងត្បូង Baek Yosung បំបែកពងមាន់ឲ្យក្រុមភ្នំពេញក្រោនតាមពីក្រោយ ៣-១។ ក្រុមភ្នំពេញក្រោនបានបន្តដាក់សម្ពាធលើក្រុមជម្រើសជាតិនៅចុងម៉ោង រហូតរកបានមួយគ្រាប់ទៀតនៅនាទីទី៨១ បញ្ចប់ការប្រកួតដោយលទ្ធផល ៣-២។