អាមេរិក៖ គ្រាប់មីស៊ីលខុសបច្ចេកទេស ៤គ្រាប់ រុស្ស៊ីតម្រង់វាយប្រហារក្រុមអ៊ីស្លាមនៅស៊ីរីធ្លាក់ចំប្រទេសអ៊ីរ៉ង់

2015-10-09 13:30:27
ចំនួនមតិ 0 | ចំនួនចែករំលែក 0

ចន្លោះមិនឃើញ

កាំជ្រួចចំនួន ៤គ្រាប់ របស់រុស្ស៊ីដែលតម្រង់សំដៅវាយប្រហារក្រុមបះបោររដ្ឋអ៊ីស្លាមជ្រុលនិយម (IS) នៅស៊ីរី បានធ្លាក់ចំប្រទេសអ៊ីរ៉ង់។ នេះបើតាមការបញ្ជាក់របស់មន្ត្រីមួយរូបរបស់អាមេរិក។

បើតាមការបញ្ជាក់របស់មន្ត្រីរូបនេះបានឱ្យដឹងថា គ្រាប់មីស៊ីលទាំង៤គ្រាប់ដែលធ្លាក់ចំប្រទេសអ៊ីរ៉ង់នោះ ស្ថិតក្នុងចំណោមគ្រាប់មីស៊ីលទាំង ២៦ ដែលរុស្ស៊ីតម្រង់ទៅស៊ីរីកាលពីថ្ងៃពុធ ដើម្បីជាការកម្ទេចក្រុមបះបោរ IS។ យ៉ាងណាក៏ដោយមន្ត្រីរូបនេះពុំបានបញ្ជាក់ពីទីតាំងច្បាស់លាស់នៃការធ្លាក់គ្រាប់មីស៊ីលខុសបច្ចេកទេសទាំង ៤គ្រាប់នោះទេ។

បើតាមភ្នាក់ងារព័ត៌មានមួយរបស់រដ្ឋអីស្លាមនៃប្រទេសអ៊ីរ៉ង់ឈ្មោះ Irna បានឱ្យដឹងកាលពីថ្ងៃពុធថា គ្រាប់មីស៊ីលមួយគ្រាប់មិនស្គាល់អត្តសញ្ញាណបានធ្លាក់ចំភូមិ Ghozghapan នៃខេត្ត West Azerbaijan របស់ប្រទេសអ៊ីរ៉ង់។

ដោយឡែកចំពោះក្រុមអភិរក្សនិយមផ្នែកប្រព័ន្ធផ្សព្វផ្សាយអ៊ីរ៉ង់ បានបញ្ជាក់ថា ការផ្សព្វផ្សាយដំណឹងអំពីការធ្លាក់គ្រាប់មីស៊ីលរបស់រុស្ស៊ីលើប្រទេសអ៊ីរ៉ង់ គឺជាមនោគមវិជ្ជារបស់សហរដ្ឋអាមេរិកដើម្បីប្រឆាំងនឹងទីក្រុងមូស្គូ។

ចំពោះខាងរុស្ស៊ីវិញបានឱ្យដឹងថា ខ្លួនបានបាញ់កាំជ្រូចមីស៊ីលចំនួន ២៦គ្រាប់ ទៅគោលដៅចំនួន ១១នៃភាគខាងជើងប្រទេសស៊ីរី ប្រហែលជារយៈចម្ងាយប្រមាណ ១៥០០គីឡូម៉ែត្រ ហើយនៅថ្ងៃព្រហស្បតិ៍ក៏បានបញ្ជាក់ឡើងវិញថា គ្រាប់មីស៊ីលទាំង ២៦គ្រាប់នោះបានធ្លាក់ចំគោលដៅទាំងអស់។

រុស្ស៊ីនិងអ៊ីរ៉ង់បានចងសម្ព័ន្ធមិត្តនឹងគ្នា ដើម្បីផ្តួលរំលំក្រុមបះបោររដ្ឋអ៊ីស្លាមនិយម (IS) នៅស៊ីរី និងជាការគាំទ្រប្រធានាធិបតីស៊ីរី លោក Bashar al-Assad ហើយកាលពីថ្ងៃពុធកន្លងទៅរុស្ស៊ីក៏បានចេញប្រតិបត្តិការបាញ់គ្រាប់មីស៊ីលវាយប្រហារក្រុម IS នេះតែម្តង៕

ប្រែសម្រួល៖ ប៉ែត ផាន់និត

ប្រភព៖ bbc

ពាក្យទាក់ទង

ព័ត៌មានសង្គមអន្តរជាតិ

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

Dispatch ហែកកកាយទង្វើ Min Hee Jin ព្យាយាមក្ដោប NewJeans និងលាភសក្ការៈពី HYBE

ឥទ្ធិពលបទចម្រៀងថ្មីរបស់ Taylor ធ្វើឱ្យគូជម្លោះ Kim Kardashian ធ្លាក់ Follower រាប់សែននាក់

អត្ថបទថ្មី

គ្រូ Man Utd អាចនឹងកាត់ប្រាក់ខែ ប្រសិនបើក្លឹបអត់បានលេង UCL រដូវកាលក្រោយ

ទស្សនាការសម្ដែងក្បាច់គុនសៅលីញដ៏កម្រលើទឹកដីសៀមរាប

Neymar នៅតែរក្សាកំណត់ត្រាខ្សែប្រយុទ្ធមានតម្លៃខ្លួនខ្ពស់បំផុត ក្នុងប្រវត្តិសាស្ត្រដោះដូរកីឡាករ

Arteta សរសើរ Kai Havertz មិនដាច់ពីមាត់ក្រោយ Arsenal ឈ្នះ Chelsea ៥-០

ជៀសវាងជួបបញ្ហាដដែរៗ សុរ៉ាវឌ្ឍី បង្ហាញមុខបុគ្គល៥នាក់ ដែលអាចមានសិទ្ធផាត់មុខឱ្យខ្លួន

អស់ការអត់ធ្មត់! ណូយ វ៉ាន់ណេត ឲ្យមេធាវីសហការជាមួយមន្ដ្រីក្រសួងមហាផ្ទៃ ចាត់ការអ្នកប្រមាថជីវិតលោក