រមណីយដ្ឋានអន្លង់ជ្រៃ

2015-10-19 18:02:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃនេះ Sabay សូមបង្ហាញជូនកន្លែងកំសាន្តមួយកន្លែង នៅខេត្តត្បូងឃ្មុំ នោះគឺរមណីយដ្ឋាន អន្លង់ជ្រៃ។ ដោយធ្វើដំណើរចេញពីភ្នំពេញ បត់តាមស្ពានព្រែកតាមាក់ រហូតដល់រង្វង់មូលស្វាយអន្ទរ រួចបន្តដំណើរប្រហែល ៤០ គីឡូម៉ែត្រទៀត ដោយបត់ទៅទិសខាងកើតឆ្ពោះទៅកាន់ស្រុកពញាក្រែក នោះនឹងឃើញរមណីយដ្ឋានអន្លង់ជ្រៃ។ អន្លង់ជ្រៃ (ខ្លះហៅផ្ទះ ១០០ ខ្នង ឬផ្ទះសម្តេចហេង សំរិន) ស្ថិតនៅភូមិអភិវឌ្ឍន៍ សម្តេចពញាចក្រីហេង សំរិន អន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ។ ទីកំសាន្តនេះស្ថិតនៅតាមបណ្តោយផ្លូវជាតិលេខ ៨។

អន្លង់ជ្រៃ មិនត្រឹមតែមានទំនប់ទឹកធំមួយសម្រាប់ហែលលេងប៉ុណ្ណោះទេ ថែមទាំងមានខ្ជូសសំរាប់អង្គុយលេងរាប់សិប ព្រមទាំងមានពោងជួលសម្រាប់លេងទឹកផងដែរ និងមានលក់គ្រឿងក្លែមច្រើនមុខដូចជា ងៀតគោថ្មីៗ សាច់គោអាំងពោះគោ កង្កែបបោក និង ចំណីចំណុកគ្រប់ប្រភេទ។

សម្រាប់ថ្ងៃធម្មតាអន្លង់ជ្រៃមិនសូវជាមាន អ្នកមកលេងច្រើនប៉ុន្មានទេ តែបើនៅរដូវកាលបុណ្យធំៗដូចជា ចូលឆ្នាំប្រពៃណីជាតិ បុណ្យភ្ជុំបិណ្ឌជាដើម គឺមានមនុស្សម្នា មកលេងរាប់ពាន់នាក់។ អន្លង់ជ្រៃ ពិតជាអាចធ្វើឲ្យអ្នកទទួលបានភាពសប្បាយរីករាយមិនខានឡើយ។