ជើងឯកវាយសីជាតិ ខេត្តកំពង់ឆ្នាំងបានមេដាយមាសច្រើនជាងគេ
- 2015-10-20 20:27:20
- ចំនួនមតិ 0 | ចំនួនចែករំលែក 0
ជើងឯកវាយសីជាតិ ខេត្តកំពង់ឆ្នាំងបានមេដាយមាសច្រើនជាងគេ
ចន្លោះមិនឃើញ
ការប្រកួតវាយសីជ្រើសរើសជើងឯកថ្នាក់ជាតិ ប្រចាំឆ្នាំ២០១៥ ដែលធ្វើឡើងតាំងពីថ្ងៃទី១៥ ដល់ ២០ខែតុលានេះ បានរកឃើញជើងឯកគ្រប់វិញ្ញាសាអស់ហើយ កាលពីព្រឹកមិញនេះ។ ដោយសមាគមកីឡាវាយសីមកពីខេត្តកំពង់ឆ្នាំងទទួលបានមេដាយមាសច្រើនជាងគេ ក្នុងវិញ្ញាសាទាំង១៣។
សមាគមកីឡាវាយសីខេត្តកំពង់ឆ្នាំង បានបញ្ជូនកីឡាករមកចូលរួមប្រកួតចំនួន៣២នាក់ ដោយបានដណ្ដើមយកមេដាយមាសបានចំនួន៦ លើវិញ្ញាសា វាយជាក្រុម , វាយគូបុរស (ក្របខ័ណ្ឌ ក១) , វាយទោលបុរស (ក្របខ័ណ្ឌ ក១) , វាយទោលបុរស អាយុ១៩ឆ្នាំឡើង (ក២) , វាយគូបុរស អាយុក្រោម១៩ឆ្នាំ (ក២) និងវាយទោលបុរស អាយុក្រោម១៦ឆ្នាំ។
ចំណែកឯវិញ្ញាសាផ្សេងទៀត អ្នកដែលឈ្នះមេដាយមាសបានទៅលើកីឡាករមកពីសមាគមខេត្តព្រះសីហនុ ( មេដាយមាស ២ ) វិញ្ញាសា វាយទោលនិងវាយគូបុរសអាយុក្រោម១៣ឆ្នាំ, ស្វាយរៀង (មេដាយមាស១) វិញ្ញាសាវាយទោលនារី , កំពង់ចាម (មេដាយមាស១) វិញ្ញាសាវាយគូនារី , កោះកុង (មេដាយមាស១) វិញ្ញាសាវាយគូបុរសអាយុក្រោម១៦ឆ្នាំ , ក្លិបកីឡាវាយសីត្រពាំងស្រែ ( មេដាយមាស២) វិញ្ញាសាវាយទោលបុរសអាយុក្រោម១៩ឆ្នាំ (ក២) និងវាយគូបុរស អាយុក្រោម១៩ឆ្នាំឡើង (ក២)។
បើនិយាយពីកីឡាករសរុបវិញមាន១៤៥នាក់ (កីឡាការិនី ១៧នាក់) មកពី១១ក្លិប។ ដោយការប្រកួតមានរយៈពេល៦ថ្ងៃ ដោយ៦ថ្ងៃនោះ មាន ១៨០ប្រកួត ។ ចំពោះជើងឯកទាំងអស់ខាងលើនឹងទទួលបានប្រាក់រង្វាន់១៥ម៉ឺនរៀល៕
អត្ថបទ៖ មុន្នី រម្យ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
