Fino ស៊េរី ០១៦ ជិតមកដល់ទីផ្សារកម្ពុជារូបរាងថ្មីបច្ចេកវិទ្យាទំនើបជាងមុន

2015-11-04 18:43:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Yamaha បានបង្ហើបថា ក្រុមហ៊ុននឹងនាំម៉ូតូ Yamaha Fino ស៊េរីថ្មីនៅប៉ុន្មានថ្ងៃខាងមុខនេះសម្រាប់លក់លើទីផ្សារប្រទេសកម្ពុជា។ Fino ដែល Yamaha នាំមកលក់ជាច្រើនជំនាន៉ សម្រាប់ស៊េរីថ្មីមានការអភិវឌ្ឍរូបរាងនិងបច្ចេកវិទ្យាកាន់តែទំនើបជាងមុន។

Fino ស៊េរីថ្មីនេះត្រូវបានក្រុមហ៊ុន Yamaha ប្រាប់ថា មានការផ្លាស់ប្តូររូបរាងនិងការបំពាក់បច្ចេកវិទ្យាថ្មីៗមួយចំនួនដូចជាភ្លើងមុខរចនាថ្មីជាមួយអំពូល LED ការបំពាក់បច្ចេកវិទ្យា Blue-Core ដែលជួយឲ្យម៉ាស៊ីនកាន់តែត្រជាក់និងសន្សំសំចៃការប្រើប្រាស់ថាមពល។ Fino 016 បានភ្ជាប់ជាមួយសោរបញ្ជាដោយស្វ័យប្រវត្តិ និងមានតេឡេបញ្ជាដើម្បីស្វែងរកទីតាំងផងដែរ។ អ្វីកាន់តែចាប់អារម្មណ៍ កង់ត្រូវបានរចនាថ្មីជាកាំបន្ទះដែលផ្តល់ភាពទាក់ទាញនិងស្រស់ស្អាតសម្រាប់ការជិះធ្វើដំណើរ។

Fino 016 ដែលក្រុមហ៊ុន Yamaha គ្រោងបញ្ចេញលក់លើទីផ្សារប្រទេសកម្ពុជានៅប៉ុន្មានថ្ងៃខាងមុខនេះ ត្រូវបានក្រុមហ៊ុនបញ្ជាក់ថា តម្លៃជាង ២ ០០០ ដុល្លារ។