HTC កូពី Apple ទៀតហើយ ម្ដងនេះកូពីស្ទីលថតវីដេអូពាណិជ្ជកម្មវិញម្ដង
- 2015-11-06 16:06:53
- ចំនួនមតិ 0 | ចំនួនចែករំលែក 0
HTC កូពី Apple ទៀតហើយ ម្ដងនេះកូពីស្ទីលថតវីដេអូពាណិជ្ជកម្មវិញម្ដង
ចន្លោះមិនឃើញ
ទូរស័ព្ទប្រចាំឆ្នាំចុងក្រោយបង្អស់របស់ក្រុមហ៊ុន HTC ត្រូវបានអ្នកប្រើប្រាស់ព្រមទាំងសារព័ត៌មានជាច្រើនរិះគន់ថាចម្លងម៉ូដតាមផលិតផល Apple។ ពេលនេះវីដេអូពាណិជ្ជកម្មថ្មីរបស់ HTC ក៏ត្រូវបានគេរិះគន់ដូចគ្នា។
វីដេអូពាណិជ្ជកម្មផ្សព្វផ្សាយទូរសព្ទ HTC One A9ដែលមានចំណងជើងថា "Be Brilliant" ត្រូវបានមហាជននាំគ្នារិះគន់យ៉ាងចាស់ដៃដោយសារតែស្រដៀងគ្នាទៅនឹងវីដេអូពាណិជ្ជកម្មរបស់ក្រុមហ៊ុន Apple ដែលបានចេញផ្សាយកាលពីឆ្នាំ ១៩៨៤។
ចង់ដឹងថាវីដេអូទាំងពីរមានលក្ខណៈស្រដៀងគ្នាយ៉ាងណាទៅទស្សនាដូចខាងក្រោម៖
វីដេអូពាណិជ្ជកម្ម HTC One A9 ចេញកាលពីថ្មីៗនេះ
វីដេអូពាណិជ្ជកម្ម Macintosh ចេញឆ្នាំ១៩៨៤
ពេលដែលបានទស្សនាវីដេអូខាងលើរួច ឃើញថាមានចំណុចមួយដែលស្រដៀងគ្នាខ្លាំងបំផុតនោះគឺនៅពេលដែលមនុស្សជាច្រើននាំគ្នាដើរជាជួរនៅវិនាទីដំបូងនៃវីដេអូ។ ក្រៅពីមានលក្ខណៈស្រដៀងគ្នាហើយ គេក៏សង្កេតឃើញដែរថាវីដេអូរបស់ HTC One A9 បានវាយប្រហារ Apple ចំៗតែម្ដង គឺត្រង់ឈុតដែលបុរសជាតួអង្គទាត់គំនរផ្លែប៉ោម។
គួររំលឹកដែរថានាយកក្រុមហ៊ុន HTC ប្រចាំតំបន់អាស៊ីខាងជើងបានលើកឡើងកាលពីពេលថ្មីៗកន្លងនេះថា HTC មិនបានលួចចម្លងពីក្រុមហ៊ុន Apple ឡើយគឺ Apple ទៅវិញទេដែលបានចម្លងពី HTC One M7 របស់ខ្លួន ចំពោះការឌីហ្សាញទូរស័ព្ទ iPhone 6។ ទោះបីជាមានការបញ្ជាក់ដោយភស្តុតាងដូចនេះក្ដី នៅតែមិនអាចផ្លាស់ប្ដូរគំនិតរបស់មហាជនមួយចំនួនបានឡើយ៕
ចុចអាន៖ នាយក HTC៖ ក្រុមហ៊ុន Apple ទេដែលជាអ្នកចម្លងពី HTC នោះ
ប្រែសម្រួល៖ ហៃ សុខហេង ប្រភព៖ RedmondPie