PSY នឹងបញ្ចេញបទថ្មីនៅ MAMA ស្របពេល CL ក៏មានវត្តមានដែរ

2015-11-20 16:35:20
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាលំដាប់ពិភពលោក PSYនិង CLសមាជិកក្រុម 2NE1 នឹងបង្ហាញខ្លួននៅកម្មវិធីប្រគល់រង្វាន់ប្រចាំឆ្នាំ Mnet Asian Music Awards 2015នៅហុងកុងថ្ងៃទី ២ ខែ ធ្នូ ឆ្នាំ ២០១៥។

តាមការឲ្យដឹងពីផលិតកម្ម YG ដែលជាផ្ទះរបស់តារាទាំង២បានឲ្យដឹងថា តារាមាឌធាត់ម្ចាស់បទ “Gangnam Style” និង CL កំពុងប្រឹងប្រែងហ្វឹកហាត់សម ដើម្បីចាប់ដៃគ្នាឡើងសម្ដែងនៅកម្មវិធី MAMA 2015។

ទន្ទឹមគ្នានេះដែរ PSY មានគម្រោងបញ្ចេញបទចម្រៀងថ្មីមួយបទនៅក្នុងកម្មវិធីដ៏ធំប្រចាំឆ្នាំនេះ។ ហើយតារាវ័យ៣៧ឆ្នាំនឹងចេញអាល់ប៊ុមចម្រៀងទី៧របស់ខ្លួននៅថ្ងៃទី១ ខែ ធ្នូ ឆ្នាំ ២០១៥។ ចំណែកឯ CLទើបនឹងចាប់អាជីពថ្មីនៅទឹកដីសហរដ្ឋអាមេរិកបានសន្យាថា នាងនឹងផ្ដល់ភាពអស្ចារ្យពេលសម្ដែងនៅហុងកុង។

CL នឹងចេញចម្រៀងទោលមានចំណងជើងថា “Hello Bitches” នៅថ្ងៃទី ២១ ខែ វិច្ឆិកា ឆ្នាំ ២០១៥។ កាលពីប៉ុន្មានថ្ងៃមុន YGក៏បានប្រកាសថា Big Bang និង Ikon ក៏មានវត្តមានក្នុងកម្មវិធីប្រគល់រង្វាន់ប្រចាំឆ្នាំ Mnet Asian Music Awards 2015នេះដែរ៕