ធី ណាតា ងាកពីជំនួញ១០ម៉ឺនដុល្លារ

2015-11-25 14:11:10
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបានផ្អាកពីការងារសិល្បៈយ៉ាងប្រញាប់ប្រញាល់មួយរយៈធំមុននេះ ធី ណាតា ដែលជាប្អូនស្រីជីដូនមួយបង្កើតរបស់ ឆ័យលី ដឡែន ឥឡូវបានត្រលប់មកពិភពសិល្បៈម្ដងទៀតហើយ បើទោះជាមានរបររកស៊ីផ្ទាល់ខ្លួនមួយដែលចំណាយទុនប្រមាណ ១០ម៉ឺនដុល្លារហើយក៏ដោយ។

“បងអើយ ចូលមកដល់ខែនេះរវល់ខ្លាំងមែនទែនរកតែពេលសម្រាកមិនបានផង។ ណាមួយប្អូនមានការរកស៊ីខ្លួនឯងផង សឹងតែមួយសប្ដាហ៍ៗគ្មានពេលសម្រាកមួយថ្ងៃផង។ ” តារាស្រីវ័យ ២៥ ឆ្នាំថ្លែងប្រាប់។

ប្អូនស្រីជីដូនមួយរបស់តារាចម្រៀង និងសម្ដែង ដាឡែន រូបនេះបញ្ជាក់ដោយមិនលាក់លៀមថា ថ្វីត្បិតមានមុខរបររកស៊ីក៏ពិតមែន តែពេលនេះចូលដល់រដូវអាចរកប្រាក់បានច្រើនពីការងារជាអ្នកចម្រៀងតាមកម្មវិធីផ្សេង ដូចនេះត្រូវតែឆ្លៀតកុំឲ្យខាន។ ព្រោះពេលនេះលុយមកតាមហៅហើយ ហើយពេលវេលាបែបនេះក៏មិនចេះតែមានដែរ។

ណាតា បានបន្ថែមទៀតថាសព្វថ្ងៃនាងបានទទួល Affair ច្រើន ដូចនេះហើយសម្រាប់អ្នកដឹកនាំរឿងដែលទាក់ទងមកចង់ឲ្យដើរតួសម្ដែងក្នុងរឿងគឺស្រីតូចរូបនោះមិនមានពេលគ្រប់គ្រាន់ថតឲ្យទេ និងនិយាយថាសុំទោស។ "និយាយពីការសម្ដែងរឿងនេះវិញ បងអើយខ្ញុំចង់ហួសពីចង់ហើយ តែខ្ញុំអត់មានពេលគ្រប់គ្រាន់ទេមានតែសុំទោសពួកគាត់ហើយ ចាំមើលឱកាសក្រោយហើយមើលទៅ”។ ម្ចាស់ហាងលក់គ្រឿងក្រអូបខាងលើបញ្ជាក់។

ងាកមកនិយាយរឿងរកស៊ីវិញ កញ្ញាបានឲ្យដឹងថា មានភាពរលូនទៅមុខជាបន្តបន្ទាប់ហើយ តែមិនទាន់ដល់ចំណុចនាងចង់បាននៅឡើយទេ។ ក៏ប៉ុន្តែតារាស្រីសម្បុរសរូបនោះនិយាយថានៅពេលខាងមុខដ៏ខ្លីរបរមួយនេះនឹងមានភាពរឹតតែប្រសើរជាងពេលនេះទៅទៀត។ "បានជាខ្ញុំហ៊ាននិយាយបែបនេះ ព្រោះហាងនាំចូលគ្រឿងសម្អាងរបស់ខ្ញុំលក់តែរបស់ពិតៗ និងនាំចូលពីអូស្ត្រាលីផ្ទាល់តែម្ដង។ ចំណែកការលក់ដូរវិញគឺដាច់គួរសម និងពេលបើកខ្ញុំចំណាយទុនជាង ១០ ម៉ឺនដុល្លារ៕"