ប្រទេសទុយនីស៊ីប្រកាសអាសន្នបន្ទាប់ពីមានការបំផ្ទុះគ្រាប់បែកមួយកន្លែងស្លាប់មនុស្ស១២នាក់
- 2015-11-25 18:02:30
- ចំនួនមតិ 0 | ចំនួនចែករំលែក 0
ប្រទេសទុយនីស៊ីប្រកាសអាសន្នបន្ទាប់ពីមានការបំផ្ទុះគ្រាប់បែកមួយកន្លែងស្លាប់មនុស្ស១២នាក់
ចន្លោះមិនឃើញ
ប្រទេសទុយនីស៊ីបានធ្វើការប្រកាសអាសន្នបន្ទាប់ពីមានករណីបំផ្ទុះគ្រាប់បែកលើឡានក្រុងមួយកន្លែងបណ្ដាលឲ្យស្លាប់មនុស្សអស់យ៉ាងតិច១២នាក់និង២០នាក់ផ្សេងទៀតរងរបួស។ នេះបើយោងតាមសារព័ត៌មាន BBC។
ករណីបំផ្ទុះបានកើតឡើងនៅថ្ងៃអង្គារម្សិលមិញនេះ ខណៈពេលដែលឡានក្រុងចូលចតនៅក្បែរទីស្នាក់ការនៃគណបក្សរបស់លោក Zine El Abidine Ben Ali អតីតប្រធានាធិបតីប្រទេសទុយនីស៊ី។ មកទល់ពេលនេះនៅមិនទាន់មានក្រុមភេរវករណាចេញមកអះអាងថាខ្លួនជាអ្នកនៅពីក្រោយហេតុការបំផ្ទុះនេះនៅឡើយនោះទេ។
ចំណែកឯមូលហេតុដែលបណ្ដាលឲ្យមានការផ្ទុះនេះក៏គេមិនទាន់ដឹងច្បាស់ផងដែរ ប៉ុន្តែមានប្រភពមួយបានប្រាប់ដល់សារព័ត៌មាន Reuters ថាប្រហែលជាមានអ្នកបំផ្ទុះគ្រាប់បែកមួយបានបំផ្ទុះគ្រាប់បែកលើរថយន្តនេះ។
គួរបញ្ជាក់ថានេះជាការបំផ្ទុះលើកទីបីហើយក្នុងឆ្នាំ២០១៥នេះសម្រាប់ប្រទេសស្ថិតនៅតំបន់អាហ្វ្រិកខាងជើងមួយនេះ៕
ចុចអាន៖ នារីម្នាក់រត់គេចពីផ្ទះ ១០ឆ្នាំ ព្រោះវក់នឹងលេងអ៊ីនធឺណិតពេក
ប្រែសម្រួល៖ ហៃ សុខហេង ប្រភព៖ BBC, TheNewYorkTimes